GEO

12 დეკემბერი, „საქართველოს მედიატორთა ასოციაციის ინსტიტუციური გაძლიერების და მედიაციის განვითარების პროექტის“ ფარგლებში მრგვალი მაგიდის ფორმატში შეხვედრა მოსამართლეებთან .

მედიაციის კვირეულის ფარგლებში „საქართველოს მედიატორთა ასოციაციამ“ USAID სამართლის უზენაესობის პროგრამის „მედიაციის ინსტიტუციური გაძლიერების და განვითარების პროექტის” მხარდაჭერით, მოსამართლეებთან გამართა მრგვალი მაგიდის ფორმატში სამუშაო შეხვედრა .

ღონისძიება გახსნა და მისასალმებელი სიტყვით მიმართა მოწვეულ სტუმრებს საქართველოს მედიატორთა ასოციაციის თავმჯდომარემ - ირაკლი ყანდაშვილმა და USAID სამართლის უზენაესობის პროგრამის ADR მიმართულებით მრჩეველმა - სოფიო ტყემალაძემ.

სამუშაო შეხვედრაში მონაწილეობა მიიღო, თბილისის საქალაქო სასამართლოს მოსამართლეებმა, საქართველოს მედიატორთა ასოციაციის აღმასრულებელი საბჭოს წევრებმა და ასოციაციის ეთიკის კომისიის წევრებმა. შეხვედრაზე ასევე მოწვეული იყო საქართველოს იუსტიციის სამინისტროს წარმომადგენელი.

სამუშაო შეხვედრაზე იუსტიციის სამინისტროს,სამართალშემოქმედების დეპარტამენტის უფროსმა ირინა წაქაძემ და მოწვეულმა მოსამართლეებმა ვიოლეტა ფორჩხიძემ, თინა ვაშაყმაძემ, ეკატერინე ელიაძემ, უჩა თოდუამ და სალომე გველესიანმა განიხილეს ისეთი მნიშვნელოვანი საკითხები, რომლებიც ეხებოდა სამედიაციო მორიგების აღსრულებასთან დაკავშირებულ გამოწვევებს; სამედიაციო პროცესის მიზნებისთვის გადახდილი სახელმწიფო ბაჟის დაბრუნების საკითხის შემდგომი რეგულირების პერსპექტივებს და ეთიკური სახდელის გასაჩივრების პროცესუალურ რეგულირებას.

შეხვედრა დასრულდა შემაჯამებელი დისკუსიით და დაიგეგმა მედიაციის კანონმდებლობის შემდგომი გაუმჯობესების მიზნით ისეთი ქმედითი ნაბიჯების განხორციელება, რომელიც ხელს შეუწყობს მედიაციის ინსტიტუტის გაძლიერებას.
 
Back

_Video Gallery

Other news

საქართველოს მედიატორთა ასოციაციამ მონაწილეობა მიიღო ინტელექტუალური საკითრების მსოფლიო ორგანიზაციის (WIPO) არბიტრაჟისა და მედიაციის ცენტრისა და საქპატენტის თანაორგანიზებით დაგეგმილ ვებინარში, რომელიც დავების გადაწყვეტის ალტერნატიულ მეთოდებს შეეხებოდა.

ღონისძიება გაიმართა WIPO-სა და სსიპ - ინტელექტუალური საკუთრების ეროვნულ ცენტრს ,,საქპატენტს“ შორის გაფორმებული ურთიერთგაგების მემორანდუმის ფარგლებში. ვებინარზე, საქართველოს მედიატორთა ასოციაციის თავმჯდომარემ , ირაკლი ყანდაშვილმა, საქართველოში მედიაციის პროცესის პრინციპებსა და მორიგების ხელშეკრულებების აღსრულების შესახებ, პრეზენტაცია წარადგინა.

საქართველოს მედიატორთა ასოციაციასა და აფხაზეთის ავტონომიური რესპუბლიკის მთავრობას შორის ურთიერთთანამშრომლობის მემორანდუმი გაფორმდა

მემორანდუმი მიზნად ისახავს ერთობლივი ინიციატივებისა და ღონისძიებების განხორციელებას. დოკუმენტს, საქართველოს მედიატორტა ასოციაციის თავმჯდომარემ , ირაკლი ყანდაშვილმა და აფხაზეთის ავტონომიური რესპუბლიკის მინისტრმა იუსტიციისა და სამოქალაქო ინტეგრაციის საკითხებში, ნანა გაბელიამ მოაწერეს ხელი.

ევროპის ადვოკატთა ასოციაციის (AEA-EAL) მედიაციის კომიტეტის ეგიდით, გაიმართა ვებინარი თემაზე- ადვოკატის როლი მედიაციის პროცესში.

ვებინარი ონლაინ რეჟიმში მიმდინარეობდა, რომელიც ევროპის ადვოკატთა ასოციაციის პრეზიდენტმა , მარია სლაზაკმა გახსნა.