საქართველოს მედიატორთა ასოციაციამ, გერმანიის მთავრობისა და გაეროს განვითარების პროგრამის (UNDP) მხარდაჭერით, „კანონის უზენაესობისა და მართლმსაჯულებაზე ხელმისაწვდომობის გაზრდის“ პროექტის ფარგლებში შეიმუშავა მედიაციის პრაქტიკული გზამკვლევი.
გზამკვლევის მიზანია, მკაფიო, სისტემური და პრაქტიკულად გამოსაყენებელი ფორმით მიაწოდოს მკითხველს ინფორმაცია მედიაციის არსის, პრინციპების, პროცესის ეტაპების, მონაწილეთა როლებისა და მორიგების სამართლებრივი შედეგების შესახებ.
გზამკვლევი ხელს უწყობს მედიაციის, როგორც დავის გადაწყვეტის ეფექტიანი, ნებაყოფლობითი და თანამშრომლობაზე დაფუძნებული მექანიზმის, უკეთ გააზრებასა და პრაქტიკაში გამოყენებას.
გზამკვლევი შექმნილია როგორც მედიაციის მომხმარებლებისთვის, ისე პროფესიონალებისთვის მედიატორებისთვის, ადვოკატებისა და სასამართლო სისტემის წარმომადგენლებისთვის. მისი მიზანია, ხელი შეუწყოს მედიაციის ეფექტიან გამოყენებას ინფორმირებული, უსაფრთხო და პასუხისმგებლიანი გადაწყვეტილებების საფუძველზე.
გზამკვლევში განსაკუთრებული ყურადღება ეთმობა სასამართლო მედიაციას, ასევე ისეთ მგრძნობიარე საკითხებს, როგორიცაა საოჯახო მედიაცია, ქალთა და ბავშვთა უფლებები და ძალადობის ნიშნებზე სათანადო რეაგირება.
გზამკვლევი მიზნად ისახავს მედიაციის შესახებ ცოდნის გაღრმავებასა და მისი პრაქტიკული გამოყენების ხელშეწყობას
იხილეთ გზამკვლევი მითითებულ ბმულზე
იხილეთ გზამკვლევი მითითებულ ბმულზე
