საქართველოს მედიატორთა ასოციაციასა და საქართველოს ბიზნეს ასოციაციას შორის გაფორმებული ურთიერთთანამშრომლობის მემორანდუმის ფარგლებში გაიმართა გაცნობითი სამუშაო შეხვედრა ბიზნესის წარმომადგენლებთან.
ღონისძიება გახსნა და მისასალმებელი სიტყვით მიმართა საქართველოს მედიატორთა ასოციაციის თავმჯდომარემ - ირაკლი ყანდაშვილმა, საქართველოს ბიზნეს ასოციაციის აღმასრულებელმა დირექტორმა - ლევან ვეფხვაძემ და საქართველოს ბიზნეს ასოციაციის აღმასრულებელი დირექტორის პირველმა მოადგილემ - აკაკი საღირაშვილმა.
სამუშაო შეხვედრა კითხვა-პასუხის რეჟიმში მიმდინარეობდა და პრეზენტირება გაიმართა ისეთი მნიიშვნელოვანი საკითხების, როგორიცაა - მედიაციის არსი, რაობა და გამოყენების მნიშვნელობა ბიზნესისთვის, კომერციული მედიაციის როლი ბიზნეს-ეფექტურობის მიღწევაში.
მსგავსი შეხვედრები ეტაპობრივად ჩატარდება და ბიზნესის სხვა წარმომადგენლებსაც მიეცემათ შესაძლებლობა დაესწრონ და გაეცნონ მედიაციის არსს.
