პირველი სიმპოზიუმი მიეძღვნა არასასამართლო/კერძო მედიაციის დანერგვა პოპულარიზაციის მიზნებს. სიმპოზიუმის მონაწილე მედიატორებს მისასალმებელი სიტყვით მიმართეს უნივერსიტეტის რექტორმა აკადემიკოსმა მამუკა თავხელიძემ, ხოლო სიმპოზიუმის ფარგლებში მედიატორებისთვის შეთავაზებულ სესიებს დავის ადრეული და ეფექტური გადაწყვეტის მედიაციის ცენტრის ხელმძღვანელი მედიატორი ნინა გერსამია მოდერირებდა.
სიმპოზიუმის ფარგლებში შემუშავდა კერძო მედიაციის განვითარების მიზნებისთვის რეკომენდაციები და დაიგეგმა სამომავლოდ გადასადგამი ნაბიჯები დაფუძნებული სიმპოზიუმის შემდგომში განსავითარებლად.
სიმპოზიუმი მხარდაჭერილია საქართველოს მედიატორთა ასოციაციის მხრიდან და ასოციაცია მიესალმება მსგავსი ტიპის კერძო ინიციატივებს, მით უფრო სასწავლო დაწესებულებების მხრიდან, რაც მედიაციის განვითრებას და კერძო/არასასამართლო მედიაციის სტანდარტების შექმნა დამკვიდრებას შეუწყობს ხელს.
