GEO

„მედიაციის წელთან“ დაკავშირებული ღონისძიება

საქართველოს მედიატორთა ასოციაციამ დონორი ორგანიზაციების (USAID სამართლის უზენაესობის პროგრამის, გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ პროგრამის და ევროპის საბჭოს ოფისი საქართველოში) მხარდაჭერით „მედიაციის წელთან“ დაკავშირებული ღონისძიება გამართა, სადაც ფართო საზოგადოებას მედიაციის წელთან დაკავშირებული გეგმები და განხორციელებული აქტივობები წარუდგინა.

კამპანიის მიზანია მედიაცია როგორც დავების მოგვარების ერთ-ერთი საშუალების - პოპულარიზაცია და მისი გამოყენების ზრდაა ქვეყანაში, როგორც კერძო პირების, ისე ბიზნესების მიერ. აღნიშნული გულისხმობს არაერთ საინტერესო და მნიშვნელოვან ღონისძიების, ფორუმების, კონფერენციების, ტრენინგების, კონკურსების განხორციელებას დონორი ორგანიზაციების ხელშეწყობით. აქტივობები რომელთა განხორციელებაც დაგეგმილია „მედიაციის წლის“ ფარგლებში მოიცავს როგორც საზოგადოების ისე იურიდიული პროფესიის, სტუდენტების, მოსამართლეების და თითქმის ყველა პროფესიის წარმომადგენლების ჩართულობას. კამპანია საქართველოს მასშტაბით, საჯარო უწყებების, პროფესიული წრეების, ბიზნეს ორგანიზაციების და ზოგადად, საზოგადოების მედიაციის სიკეთეების შესახებ ცნობიერების ამაღლებას გულისხმობს.

ღონისძიების გახსნა და მისასალმებელი სიტყვით მიმართა დამსწრე საზოგადოებას საქართველოს მედიატორთა ასოციაციის თავმჯდომარემ ირაკლი ყანდაშვილმა, USAID სამართლის უზენაესობის პროგრამის ხელმძღვანელის მოადგილემ ნილ ვაინსტაინმა, გაეროს განვითარების პროგრამის კანონის უზენაესობის პროექტის მენეჯერმა ლევან ასათიანმა, და საქართველოში ევროპის საბჭოს საქართველოს ოფისის წარმომადგენელი თამარ ზუბაშვილმა.

ღონისძიებაზე მედიაციის შესახებ ცნობიერების ამაღლების მნიშვნელობაზე და მხარდაჭერაზე ისაუბრეს პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა, იუსტიციის მინისტრის მოადგილემ ბუბა ლომუაშვილმა, ადვოკატთა ასოცაციის თავმჯდომარემ დავით ასათიანმა, უზენაესი სასამართლოს მოსამართლემ ალექსანდრე წულაძემ, იურიდიული დახმარების სამსახურის დირექტორის მოადგილემ მიხეილ ხურციძემ და არბიტრთა ასოციაციის თავმჯდომარე რუსუდან ჭკუასელმა.
Back

_Video Gallery

Other news

საქართველოს მედიატორთა ასოციაციის თავმჯდომარე, ირაკლი ყანდაშვილი , ბათუმის სასამართლო მედიაციის ცენტს ესტუმრა

ირაკლი ყანდაშვილმა, ახალ მედიატორებს პროფესიაში შემოსვლა მიულოცა და წარმატებები უსურვა, ასოციაციის თავმჯდომარემ მედიატორებს მოწმობები და სამკერდე ნიშნები გადასცა. შეხვედრას სასამართლო მედიაციის ცენტრის კოორდინატორი და მედიატიორები ესწრებოდნენ.

საქართველოს მედიატორთა ასოციაციამ, საქართველოს ადვოკატთა ასოციაციის წევრებთან გამართა მორიგი შეხვედრა - „Try Mediation”

ღონისძიება განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.

სამუშაო შეხვედრა მოსამართლეებთან - „ არსებული პრაქტიკა და გამოწვევები სამედიაციო საქმეთა გადაცემა/რეფერირების დროს“

„საქართველოს მედიატორთა ასოციაციამ” USAID სამართლის უზენაესობის პროგრამის „მედიაციის ინსტიტუციური გაძლიერების და განვითარების პროექტის” მხარდაჭერით, თელავში, „იაკობ გოგებაშვილის სახელობის თელავის სახელმწიფო უნივერსტიტეტში“ მოსამართლეებთან გამართა სამუშაო შეხვედრა: „ არსებული პრაქტიკა და გამოწვევები სამედიაციო საქმეთა გადაცემა/რეფერირების დროს“.