საქართველოს მედიატორთა ასოციაციამ უმასპინძლა გრიგოლ რობაქიძის და ივანე ჯავახიშვილის სახელობის უნივერსიტეტის სტუდენტებს, რომლებიც სასწავლო კურსის ფარგლებში შეისწავლიან მედიაციის საგანს.
პროფესიული გაცნობითი ვიზიტის ფარგლებში ორგანიზებულ შეხვედრას უმასპინძლა საქართველოს მედიატორთა ასოციაციის თავმჯდომარე - ირაკლი ყანდაშვილმა.
სტუდენტებს დეტალურად მიეწოდათ ინფორმაცია მედიაციის განვითარების ეტაპებზე, პრინციპებსა და პრაქტიკულ ასპექტებზე საქართველოში.
სტუდენტებმა დაათვალიერეს სამედიაციო სივრცეები, გაეცნენ მედიატორთა საქმიანობას და მიიღეს კითხვებზე ამომწურავი პასუხები.
შეხვედრის დასასრულს პროფესორმა ირაკლი ყანდაშვილმა მადლობა გადაუხადა ახალგაზრდებს დაინტერესებისთვის, უსურვა წარმატება პროფესიულ წინსვლასა და სამომავლო კარიერულ განვითარებაში.
საქართველოს მედიატორთა ასოციაცია დაფუძნების დღიდან ახორციელებს მედიაციის პოპულარიზაციას, პროფესიული სტანდარტების ამაღლებასა და მომავალი თაობების მხარდაჭერას.
