GEO

საქართველოს მედიატორთა ასოციაციის და ადვოკატთა ასოციაციის შრომის კომიტეტის ერთობლივი ორგანიზებით გაიმართა გასვლითი სამუშაო შეხვედრა, რომელიც მხარდაჭერილი იყო USAID სამართლის უზენაესობის პროგრამის მიერ.

ღონისძიება გახსნა და მონაწილეებს მიესალმა საქართველოს მედიატორთა ასოციაციის თავმჯდომარე - ირაკლი ყანდაშვილი, ადვოკატთა ასოციაციის შრომის კომიტეტის თავმჯდომარე - თამარ გაბისონია და USAID სამართლის უზენაესობის პროგრამის ADR სპეციალისტი ეკატერინე ლორთქიფანიძე.

შეხვედრის მიზანს წარმოადგენდა სამედიაციო მორიგების პრობლემური საკითხების და მედიაციის გზით ინდივიდუალური შრომითი კატეგორიის დავების პრაქტიკის განხილვა, პრობლემების გადაჭრის სტრატეგიაზე შეჯერება და საჭირო დოკუმენტის შემუშავება.

საქართველოს მედიატორთა ასოციაციის თავმჯდომარემ ირაკლი ყანდაშვილმა შეხვედრაზე დეტალურად ისაუბრა საქართველოში ინდივიდუალური შრომითი კატეგორიის სამედიაციო დავებიდან წარმოშობილი მორიგების პრობლემურ საკითხებზე. აღნიშნულზე, საქართველოს ადვოკატთა ასოციაციის შრომის კომიტეტის თავმჯდომარის თამარ გაბისონიას მოდერატორობით შრომის კომიტეტის წევრების მხრიდან გაჟღერდა მოსაზრებები და ალტერნატიული ხედვები, რაზედაც მონაწილეებმა ერთობლივად შეიმუშავეს საჭირო დოკუმენტი.

ღონისძიებაში მონაწილეობას იღებდნენ საქართველოს მედიატორთა ასოციაციის აღმასრულებელი საბჭოს, ეთიკის კომისიის და ადვოკატთა ასოციაციის შრომის კომიტეტის წევრები.
Back

_Video Gallery

Other news

საერთაშორისო სამეცნიერო-პრაქტიკულ კონფერენცია

საქართველოს მედიატორთა ასოციაციის თავმჯდომარე, ირაკლი ყანდაშვილი, მიწვეული იყო ყაზახეთის რესპუბლიკის კონსტიტუციის 30 წლისთავისადმი მიძღვნილ საერთაშორისო სამეცნიერო-პრაქტიკულ კონფერენციაზე, სადაც წარსდგა მოხსენებით თემაზე: „მედიაცია – მართლმსაჯულების ეფექტურობის წინაპირობა“.

პრაღაში გამართულ საერთაშორისო ეკონომიკურ ფორუმზე საქართველოს მედიატორთა ასოციაციის თავმჯდომარემ ირაკლი ყანდაშვილმა წარადგინა მედიაციის ქართულ მოდელზე მოხსენება

მოხარულები ვართ გაცნობოთ, რომ საქართველოს მედიატორთა ასოციაციის თავმჯდომარემ და გრიგოლ რობაქიძის უნივერსიტეტის სამართლის სკოლის პროფესორმა, ბატონმა ირაკლი ყანდაშვილმა, მონაწილეობა მიიღო პრაღაში გამართულ მე-17 საერთაშორისო ეკონომიკურ ფორუმში EconWorld.

საქართველოს მედიატორთა ასოციაციამ უმასპინძლა გრიგოლ რობაქიძის და ივანე ჯავახიშვილის სახელობის უნივერსიტეტის სტუდენტებს,

პროფესიული გაცნობითი ვიზიტის ფარგლებში ორგანიზებულ შეხვედრას უმასპინძლა საქართველოს მედიატორთა ასოციაციის თავმჯდომარე - ირაკლი ყანდაშვილმა.