საქართველოს მედიატორთა ასოციაციის ორგანიზებით ონლაინ ფორმატში ასოციაციის წევრებისთბის გაიმართა „ემოციური ინტელექტის საბაზისო ტრენინგი მედიატორებისთვის“.
მისასალმებელი სიტყვით ტრენინგი გახსნა „საქართველოს მედიატორთა ასოციაციის“ თავმჯდომარემ ირაკლი ყანდაშვილმა.
ტრენერად მოწვეული იყო და მას უძღვებოდა სამართლის დოქტორი, პიროვნული განვითარების ტრენერი, ერიქსონის საერთაშორისო სკოლის სერთიფიცირებული - ქოუჩი ქეთევან ირემაშვილი.
აღნიშნული ტრენინგის გავლა ასოციაციის წევრებს ჩაეთვლებათ, განგრძობადი პროფესიული განვითარების სავალდებულო კრედიტებში.
ტრენინგი მოიცავდა როგორც თეორიულ ისე პრაქტიკულ ნაწილს. ტრენინგის პირველი ნაწილი დაეთმო თეორიულ საკითხებს, როგორიც არის შესავალი ემოციურ ინტელექტში: ემოციური ინტელექტი, როგორც კონკურენტული უპირატესობა, ემოციური ინტელექტის დეფინიცია და მისი პრაქტიკული გამოყენების თავისებურებები, თვითშემეცნების ხაზი, გაცნობიერების ძალა, ხოლო ტრენინგის მეორე ნაწილი დაეთმო ჯგუფური ქოუჩინგის სესიას და პირადი მიზნების დამუშავებას, რომელიც ჩატარდა ინდივიდუალურად კონფიდენციალურობის დაცვით. მონაწილეებმა აირჩიეს და დაამუშავს ერთი კონკრეტული მიზანი მათი პირადი, პიროვნული განვითარების/პროფესიული ცხოვრების სფეროებიდან; ტრენინგი მიმდინარეობდა ინტერაქტიულ რეჟიმში, რომლის დასასრულს განხორციელდა მედიატორთა გამოცდილების გაზიარება და ემოციური ინტელექტის მნიშვნელობის ხაზგასმა მედიატორებისთვის.
„საქართველოს მედიატორთა ასოციაცია მუდმივად მზად არის შესაძლებლობების ფარგლებში ხელი შეუწყოს მედიატორთა პროფესიულ განვითარებას.
