გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში საქართველოს მედიატორთა ასოციაციამ გამართა შეხვედრა მარნეულში, ეთნიკურ უმცირესობის წარმომადგენლებთან.
ეთნიკური უმცირესობის წარმომადგენლებთან შეხვედრა გახსნა და მისასალმებელი სიტყვით მიმართა მონაწილეებს გაეროს განვითარების პროგრამის "კანონის უზენაესობისა და მართლმსაჯულებაზე ხელმისაწვდომიბის გაუმჯობესება ყველასთვის" პროექტის მონიტორინგისა და შეფასების ოფიცერმა - გულისა კახნიაშვილმა.
შეხვედრას უძღვებოდა ასოციაციის წევრი მედიატორი აიჰან გასანოვი, რომელმაც მონაწილეებს მედიაციის შესახებ ინფორმაცია მიაწოდა და განიხილა ისეთი თემები, როგორიცაა: მედიაციის არსი, მისი მნიშვნელობა დემოკრატიულ საზოგადოებაში და მედიაციის ძირითადი პრინციპები. ღონისძიების მსვლელობისას მან ასევე ისაუბრა მედიატორისა და წარმომადგენლის როლზე მედიაციის პროცესში.
შეხვედრა მიმდინარეობდა აქტიურ და საინტერესო დისკუსიის ფორმატში, კითხვა-პასუხის რეჟიმში.
ღონისძიება განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.
