ENG

„ამერიკის შეერთებულ შტატებში მედიაციის პრაქტიკა და მისი გამოწვევები“

საქართველოს მედიატორთა ასოციაციასა და საქართველოს უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, ასოციაციის წევრებისთვის ჩატარდა ტრენინგი თემაზე: „ამერიკის შეერთებულ შტატებში მედიაციის პრაქტიკა და მისი გამოწვევები“.

შეხვედრა გახსნა და მონაწილეებს მისასალმებელი სიტყვით მიმართეს საქართველოს მედიატორთა ასოციაციის თავმჯდომარე - ირაკლი ყანდაშვილმა და ამავე ასოციაციის აღასრულებელი საბჭოს წევრმა, საქართველოს უნივერსიტეტის სამართლის სკოლის დეკანმა - ანა ხურციძემ.

ტრენინგს უძღვებოდნენ და მედიატორებს ამერიკის შეერთებულ შტატებში მედიაციის პრაქტიკა გაუზიარეს: სამართლის დოქტორმა, საერთაშორისო კოლეგიათაშორისი მედიატორთა საბჭოს თავმჯდომარემ კენეტ ფრანკიმ, საკონსულტაციო ფსიქოლოგიის დოქტორანტმა და მედიატორთა საერთაშორისო ტრენერმა, მერი ლუ ფრანკიმ.

ტრენინგი მიმდინარეობდა ინტერაქციულ ფორმატში, კითხვა-პასუხის რეჟიმში. მისი დასრულების შემდეგ გაიმართა საინტერესო დისკუსია, სადაც მონაწილეებს შესაძლებლობა ჰქონდათ, გაეზიარებინათ საკუთარი აზრები და კითხვები, რამაც კიდევ უფრო გააძლიერა მათი ცოდნა ამერიკის შეერთებულ შტატებში მედიაციის პრაქტიკასა და გამოწვევებზე.

მსგავსი ტრენინგები ხელს უწყობს საქართველოში მედიაციის პრაქტიკის განვითარებას და საერთაშორისო გამოცდილების გაზიარებას.
უკან

_Video Gallery

სხვა სიახლეები

მედიატორებს შორის პროფესიული გამოცდილების გაზიარების შეხვედრა

საქართველოს მედიატორთა ასოციაციის ორგანიზებით გაიმართა მედიატორთა პროფესიული გამოცდილების გაზიარების შეხვედრა, რომლის მიზანი იყო პროფესიული დიალოგის ხელშეწყობა, პრაქტიკული გამოცდილების გაზიარება და მედიაციის სფეროში არსებული გამოწვევებისა და განვითარების შესაძლებლობების განხილვა.

საქართველოს მედიატორთა ასოციაციამ CLDP-ის წარმომადგენლებს უმასპინძლა

საქართველოს მედიატორთა ასოციაციის თავმჯდომარემ, თამარ იმნაიშვილმა, ასოციაციის ოფისში უმასპინძლა აშშ-ის სახელმწიფო დეპარტამენტის კომერციული სამართლის განვითარების პროგრამის (CLDP) წარმომადგენლებს ნიკოლეტ ი. მენას, საერთაშორისო პროგრამების უფროს სპეციალისტს (Senior International Program Specialist), და დავით გაგნიძეს, იურიდიულ მრჩეველს (Attorney Advisor).

დაიწყო პრაქტიკულ უნარ-ჩვევებში პროგრამაზე რეგისტრაცია

2026 წლის 25 სექტემბრიდან დაიწყო პრაქტიკულ უნარ-ჩვევებში პროგრამაზე რეგისტრაცია