ENG

დაიწყო განაცხადის მიღება პროგრამულ აკრედიტაციაზე

სსიპ საქართველოს მედიატორთა ასოციაცია მედიატორთა სერტიფიცირების პროგრამის დებულების 6.3 მუხლის შესაბამისად აცხადებს კერძო პირების და დაინტერესებული ინსტიტუციების მხრიდან განაცხადების მიღებას, კურსის პროგრამულ აკრედიტაციაზე.

მედიატორთა სერტიფიცირების პროგრამის დებულების 6.4 მუხლის თანახმად პროგრამული აკრედიტაციის მიღება განმცხადებელს ანიჭებს უფლებამოსილებას ერთჯერადად განახორციელოს განაცხადით მოთხოვნილ ვადაში ასოციაციის მიერ დამტკიცებული პროგრამით მედიატორობის მსურველი პირების სწავლება.

განმცხადებელმა განაცხადის წარდგენისას ასოციაციას უნდა წარუდგინოს შემდეგი ინფორმაცია:

(ა) ტრენინგის ჩატარების თარიღი;

(ბ) ტრენერთა ვინაობა და ოდენობა დებულებით დადგენილი წესის და სტანდარტის შესაბამისად;

(გ) ტრენინგის ჩატარების ქალაქის ან/და ადგილმდებარეობის შესახებ ინფორმაცია;

(დ) ტრენინგის პროგრამა - დეტალური საათობრივი დღის წესრიგისა და სწავლის მეთოდოლოგიის მითითების ჩათვლით;

(ე) პროგრამული აკრედიტაციის მიღების მიზნით დადგენილი საფასურის გადახდის დამადასტურებელი საბანკო ქვითარი.



დოკუმენტაცია გამოაგზავნეთ: ganacxadi@mediators.ge



იხ. მედიატორთა სერტიფიცირების პროგრამის დებულება

უკან
სხვა სიახლეები

რეგიონალური კონფერენცია - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში“.

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო რეგიონალურ კონფერენციაზე - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში

საჯარო ლექცია თემაზე: „მედიაცია - დავის ეფექტურად რეგულირების ახალი შესაძლებლობა“

საქართველოს მედიატორთა ასოციაციის თავმჯდომარემ, ირაკლი ყანდაშვილმა საქართველოს მედიატორთა ასოციაციასა და კავკასიის საერთაშორისო უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, საჯარო ლექცია გამართა უნივერსიტეტის ბიზნესისა და სოციალურ მეცნიერებათა ფაკულტეტების სტუდენტებისთვის, თემაზე: „მედიაცია - დავის ეფექტურად რეგულირების ახალი შესაძლებლობა“.

საერთაშორისო კონფერენცია - „მედიაციის გამოყენების პროცესში არსებული ტენდენციები, რისკები და შესაძლებლობები“.

„საქართველოს მედიატორთა ასოციაციის“ თავმჯდომარე ირაკლი ყანდაშვილმა და ასოციაციის აღმასრულებელმა მდივანმა თამარ იმნაიშვილმა მონაწილეობა მიიღეს საერთაშორისო კონფერენციაში „მედიაციის გამოყენების პროცესში არსებული ტენდენციები, რისკები და შესაძლებლობები“