ENG

პირველი რეგიონული კონფერენცია „მედიაციის სფეროში რეგიონული თანამშრომლობა“

საქართველოს მედიატორთა ასოციაციის ორგანიზებით გაიმართა პირველი რეგიონული კონფერენცია, სადაც მონაწილეობას იღებდნენ აზერბაიჯანიდან, სომხეთიდან, მოლდოვიდან, უკრაინიდან მოწვეული იურისტები და მედიატორები.
 
აღნიშნული ღონისძიება განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში. 
 
ღონისძიების მიზანია გრძელვადიანი ურთიერთობის ჩამოყალიბების ხელშეწყობა და მედიაციის ჰაბის შექმნა კავკასიის რეგიონში
 
ღონისძიება გახსნეს და მისასალმებელი სიტყვით მიმართეს დამსწრე მონაწილეებს სსიპ საქართველოს მედიატორთა ასოციაციის თავმჯდომარემ ირაკლი ყანდაშვილმა და გაეროს განვითარების პროგრამის პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ხელმძღვანელმა ლევან ასათიანმა.
 
საქართველოს მედიატორთა ასოციაციის თავმჯდომარემ განაცხადა რომ მსგავსი ტიპის რეგიონული კონფერენციები ერთი მხრივ აღრმავებს მეზობლებს შორის ურთიერთობას რაც ძალზედ მნიშვნელოვანი და აქტუალურია დღევანდელი გლობალური მდგომარეობის გათვალისწინებით და მეორე მხრივ ეს არის პროფესიებს შორის თანამშრომლობის ძალზედ მნიშვნელოვანი პლატფორმა რომელიც ხუთი ქვეყნისთვის ხელშემწყობი იქნება განავითარონ მედიაცია რეგიონში.
 
კონფერენციის განმავლობაში მონაწილეებს საშუალება ჰქონდათ წარმოედგინათ და გაეზიარებინათ თავიანთი ქვეყნების გამოცდილებები.
 
ღონისძიებაზე ქვეყნების წარმომადგენლებმა გამოთქვეს მზადყოფნა თანამშრომლობის და მადლობა გადაუხადეს საქართველოს მედიატორთა ასოციაციის თავმჯდომარეს რეგიონში პროფესიებს შორის თანამშრომლობის იდეის ინიცირების და განხორციელებისთვის, რისთვისაც აზერბაიჯანის მედიაციის საბჭომ პერსონალურად დააჯილდოვა ასოციაციის თავმჯდომარე ირაკლი ყანდაშვილი და  საქართველოს მედიატორთა ასოციაციას.
 
კონფერენციაში მონაწილე ქვეყნები  შეთანხმდნენ რომ გააგრძელებენ მუშაობას დავის გადაწყვეტის ალტერნატიული მექანიზმის (მედიაცია) შესახებ ცნობიერების ამაღლებაზე და სამხრეთ კავკასიის ქვეყნებს შორის ურთიერთდამაკავშირებელი ქსელის დამყარებაზე.
 
ქვეყნებს შორის თანამშრომლობა იქნება სტაბილური და კონფერენცია მიიღებს ყოველწლიურ ხასიათს.
უკან

_Video Gallery

სხვა სიახლეები

კონფერენცია „ინდივიდუალური შრომითი დავების ალტერნატიული გადაწყვეტა – საერთაშორისო და ქართული პერსპექტივა“,

საქართველოს მედიატორთა ასოციაციამ მონაწილეობა მიიღო კონფერენციაში „ინდივიდუალური შრომითი დავების ალტერნატიული გადაწყვეტა – საერთაშორისო და ქართული პერსპექტივა“, რომელიც გაიმართა საქართველოს ბიზნეს ასოციაციისა და DANSK Industri-ის ერთობლივი პროექტის ფარგლებში.

საერთაშორისო სამეცნიერო-პრაქტიკულ კონფერენცია

საქართველოს მედიატორთა ასოციაციის თავმჯდომარე, ირაკლი ყანდაშვილი, მიწვეული იყო ყაზახეთის რესპუბლიკის კონსტიტუციის 30 წლისთავისადმი მიძღვნილ საერთაშორისო სამეცნიერო-პრაქტიკულ კონფერენციაზე, სადაც წარსდგა მოხსენებით თემაზე: „მედიაცია – მართლმსაჯულების ეფექტურობის წინაპირობა“.

პრაღაში გამართულ საერთაშორისო ეკონომიკურ ფორუმზე საქართველოს მედიატორთა ასოციაციის თავმჯდომარემ ირაკლი ყანდაშვილმა წარადგინა მედიაციის ქართულ მოდელზე მოხსენება

მოხარულები ვართ გაცნობოთ, რომ საქართველოს მედიატორთა ასოციაციის თავმჯდომარემ და გრიგოლ რობაქიძის უნივერსიტეტის სამართლის სკოლის პროფესორმა, ბატონმა ირაკლი ყანდაშვილმა, მონაწილეობა მიიღო პრაღაში გამართულ მე-17 საერთაშორისო ეკონომიკურ ფორუმში EconWorld.