საქართველოს მედიატორთა ასოციაციისა და ამერიკის შეერთებული შტატების სავაჭრო დეპარტამენტის კომერციული სამართლის განვითარების პროგრამის(CLDP) ორგანიზებით გაიმართა პირველი ყოველწლიური საზაფხულო სკოლა მედიაციაში ქართველი ადვოკატებისთვის, სადაც მონაწილეობა მიიღეს საქართველოს ადვოკატთა ასოციაციაში ახალგაწევრიანებულმა ადვოკატებმა, ვისაც ამ ეტაპამდე არ ჰქონია სამედიაციო პროცესის გამოცდილება.
საზაფხულო სკოლის მიზანია ადვოკატთა ასოციაციაში ახალგაწევრიანებული ადვოკატებისათვის მედიაციასთან დაკავშირებული, როგორც თეორიული, ასევე, პრაქტიკული ცოდნის გაღრმავება.
აღნიშნული ღონისძიება განხორციელდა აშშ-ს სახელმწიფო დეპარტამენტის ფინანსური მხარდაჭერით.
საზაფხულო სკოლა გახსნეს და მისასალმებელი სიტყვით მიმართეს დამსწრე მონაწილეებს სსიპ საქართველოს მედიატორთა ასოციაციის თავმჯდომარე ირაკლი ყანდაშვილმა და აშშ-ის კომერციის დეპარტამენტის გენერალური მრჩევლის ოფისში, კომერციული სამართლის განვითარების პროგრამის (CLDP) საერთაშორისო მრჩეველმა - ერიკ ვენცმა.
ღონისძიებაზე განხილულ იქნა: მედიაცია, როგორც დავის ალტერნატიული ფორმა და მისი ადგილი იურიდიულ პრაქტიკაში / მოქმედი რეგულაციები , აგრეთვე განხილულ იქნა მედიაციის საფუძვლები, ეტაპები, აღსრულების საკითხები, ხოლო განსაკუთრებული ყურადღება გამახვილდა ადვოკატის როლზე მედიაციის პროცესში აგრეთვე მიმდინარეობდა ჯგუფური სამუშაოები.
პირველო საზაფხულო სკოლის დასასრულს მონაწილეებს გადაეცათ სერტიფიკატები, საზაფხულო სკოლა მიიღებს ყოველწლიურ ხასიათს.
