მოხარულები ვართ გაცნობოთ, რომ საქართველოს მედიატორთა ასოციაციის თავმჯდომარემ და გრიგოლ რობაქიძის უნივერსიტეტის სამართლის სკოლის პროფესორმა, ბატონმა ირაკლი ყანდაშვილმა, მონაწილეობა მიიღო პრაღაში გამართულ მე-17 საერთაშორისო ეკონომიკურ ფორუმში EconWorld.
ფორუმზე ბატონმა ირაკლიმ ყანდაშვილმა წარადგინა მოხსენება თემაზე: „მედიაციის როლი შრომითი და ეკონომიკური დავების ეფექტურ რეგულირებაში“, სადაც მან დეტალურად ისაუბრა საქართველოში მედიაციის განვითარებაზე, არსებულ პრაქტიკაზე და იმ მნიშვნელობაზე, რაც მედიაციას აქვს თანამედროვე ეკონომიკურ და შრომით გარემოში.
მოხსენებამ მნიშვნელოვანი გამოხმაურება და მაღალი ინტერესი გამოიწვია საერთაშორისო აუდიტორიაში,რაც კიდევ ერთხელ ადასტურებს მედიაციის ქართული მოდელის პრაქტიკულ ღირებულებას.
