სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო რეგიონალურ კონფერენციაზე - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში“, რომელიც გაიმართა საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკი) ორგანიზებით. სოფიო დუღაშვილმა მონაწილეებს გაუზიარა პრეზენტაცია თემაზე: „მედიაცია - არბიტრაჟის ალტერნატივა“ და ისაუბრა მედიაციის ქართულ მოდელზე და მის უპირატესობებზე, დავის გადაწყვეტის სხვა მექანიზმებთან მიმართემაში.ღონისძიების დასასრულს მონაწილეებს შორის გაიმართა პანელური დისკუსია დავის გადაწყვეტის მექანიზმების წარმატებული პროცესის სტრატეგიებზე, სადაც სოფიო დუღაშვილმა გაამახვილა ყურადღება მედიატორთა პროფესიული ეთიკური ვალდებულებების მნიშვნელობასა და გამოწვევებზე. „საქართველოს მედიატორთა ასოციაცია“ მუდამ მზად არის საქართველოში მედიაციის განვითარების მიზნებიდან გამომდინარე ითანამშრომლოს და მონაწილეობა მიიღოს სხვადასხვა კონფერენციაში.
