საქართველოს მედიატორთა ასოციაციის თავმჯდომარე, ირაკლი ყანდაშვილი, მოხსენებით წარსდგა საერთაშორისო კონფერენციაზე: „მედიაცია და დავის ალტერნატიული გადაწყვეტა, როგორც სამოქალაქო საზოგადოების მექანიზმები და ინსტრუმენტები: ისტორია, თანამედროვეობა და მომავალი“
სლუპსკის პომერანული უნივერსიტეტის სამართლისა და ადმინისტრაციის ინსტიტუტისა და თბილისის სახელმწიფო უნივერსიტეტის დავის ალტერნატიული გადაწყვეტის ეროვნული ცენტრის ორგანიზებით გაიმართა საერთაშორისო ღონისძიება, რომელშიც მონაწილეობა მიიღეს სპიკერებმა ამერიკის შეერთებული შტატების, ბულგარეთისა და პოლონეთის უმაღლესი საგანმანათლებლო დაწესებულებებიდან.
2024 წელს პომერანული უნივერსიტეტის სამართლისა და ადმინისტრაციის ინსტიტუტში თბილისის სახელმწიფო უნივერსიტეტის დავის ალტერნატიული გადაწყვეტის ეროვნული ცენტრისა და საქართველოს მედიატორთა ასოციაციის მზარდაჭერით დაფუძნდა სლუპსკის პომერანული უნივერსიტეტის მედიაციის ცენტრი, რომელიც ინსტიტუციური პარტნიორების მხარდაჭერით ხელს უწყობს მედიაციის ინსტიტუციონალიზაციას სამეცნიერო კვლევების ინტერნაციობალიზაციისა და იურიდიული განათლების ხარისხის ამაღლებით.
