საქართველოს მედიატორთა ასოციაციის თავმჯდომარემ, ირაკლი ყანდაშვილმა საქართველოს მედიატორთა ასოციაციასა და კავკასიის საერთაშორისო უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, საჯარო ლექცია გამართა უნივერსიტეტის ბიზნესისა და სოციალურ მეცნიერებათა ფაკულტეტების სტუდენტებისთვის, თემაზე: „მედიაცია - დავის ეფექტურად რეგულირების ახალი შესაძლებლობა“.
შეხვედრაზე ასოციაციის თავმჯდომარემ, ირაკლი ყანდაშვილმა ისაუბრა მედიაციის განვითარების ეტაპებზე, აღნიშნული ინსტიტუტის ადგილსა და როლზე სამართლის სისტემაში, საქართველოში არსებულ იმ გამოწვევებზე, რომლებიც მედიაციის სრულფასოვნად დამკვიდრებასთან არის დაკავშირებული.
შეხვედრა ინტერაქციულ ხასიათს ატარებდა. დასასრულს კითხვა-პასუხის რეჟიმში დისკუსია გაიმართა. დამსწრეებს შესაძლებლობა მიეცათ დეტალურად გასცნობოდნენ მედიაციასთან დაკავშირებულ აქტუალურ საკითხებს.
