ENG

სამართლის სკოლა და შეჯიბრი მედიაციაში

29 მარტს, „საქართველოს მედიატორთა ასოციაციის“ მხარდაჭერითა და ევროპის იურისტ სტუდენტთა ასოციაცია საქართველოს ( ELSA Georgia) ორგანიზებით დაიწყო კონკურსი: სამართლის სკოლა და შეჯიბრი მედიაციაში.
ღონისძიება გახსნა „საქართველოს მედიატორთა ასოციაციის“ თავმჯდომარემ - ირაკლი ყანდაშვილმა.

კვირეულის ფარგლებში მონაწილეები გაივლიან შემდეგ თემატიკას:

• დავის გადაწყვეტის ალტერნატიული გზები; მედიაციის არსი და მნიშვნელობა მედიაციის შედარებითი უპირატესობა დავის გადაწყვეტის სხვა ალტერნატიულგზებთან მიმართებით;
• მედიაციის ეთიკური საფუძვლები და პრინციპები; მედიაციის მნიშვნელობა ქართული სამართლის განვითარებაში, საქართველოს კანონი ,,მედიაციის შესახებ“;
• მედიაციის პროცესი (გახსნა, მომზადება, მოლაპარაკება);
• მედიაციის მონაწილე მხარეები, მედიატორის როლი მედიაციის პროცესში;
• მედიაციის წარმოების ფორმები;
• მედიაციის შესაბამისი ვერბალური კომუნიკაცია,ნდობის ჩამოყალიბება,აქტიური მოსმენის ტექნიკები, ემოციების გაზიარება.


სამართლის სკოლის შემდგომ, მონაწილეები დაიყოფიან 3 კაციან გუნდებად, რომლებიც მონაწილეობას მიიღებენ და ერთმანეთს შეეჯიბრებიან მედიაციაში.
გამარჯვებული გუნდის, გამოვლენის შემდგომ გუნდის წევრებს გადაეცემათ სპეციალური პრიზები, ხოლო ყველა მონაწილეს მონაწილეობის დამადასტურებელი სერტიფიკატები.


კონკურსში მონაწილე გამარჯვებულები გაივლიან სტაჟირებას საქართველოს მედიატორთა ასოციაციაში.












უკან
სხვა სიახლეები

კიდევ ერთი ახალი სასამართლო მედიაციის ცენტრი გაიხსნა საგარეჯოს რაიონულ სასამართლოში

"საქართველოს მედიატორთა ასოციაციის" თავმჯდომარემ ირაკლი ყანდაშვილმა, საქართველოს უზენაესი სასამართლოს, სამოქალაქო საქმეთა პალატის თავმჯდომარემ გიორგი მიქაუტაძემ და სიღნაღის რაიონული სასამართლოს მაგისტრმა მოსამართლემ საგარეჯოს მუნიციპალიტეტში - ლიკა ბოკერიამ, საგარეჯოს რაიონულ სასამართლოში მედიაციის ცენტრი გახსნეს.

საერთაშორისო სამეცნიერო კონფერენცია

„საქართველოს მედიატორთა ასოციაციის“ თავმჯდომარე, გრიგოლ რობაქიძის უნივერსიტეტის პროფესორი ირაკლი ყანდაშვილი ვილნიუსის მიკოლა რომერის უნივერსიტეტის მიწვევით საერთაშორისო სამეცნიერო კონფერენციაზე იმყოფებოდა, სადაც სპიკერის სტატუსით მოხსენებით წარსდგა სავალდებულო სასამართლო მედიაციის პანელში.

USAID სამართლის უზენაესობის პროგრამის, კანონის უზენაესობის პირველი რეგიონული ფორუმი

საქართველოს მედიატორთა ასოციაციის აღმასრულებელმა დირექტორმა - თამარ იმნაიშვილმა მონაწილეობა მიიღო USAID სამართლის უზენაესობის პროგრამის, კანონის უზენაესობის პირველ რეგიონულ ფორუმში.