29 მარტიდან 3 აპრილის ჩათვლით „საქართველოს მედიატორთა ასოციაციის“ მხარდაჭერითა და ევროპის იურისტ სტუდენტთა ასოციაცია საქართველოს ( ELSA Georgia) ორგანიზებით ჩატარდა სამართლის სკოლა და შეჯიბრი მედიაციაში.
პროქტის მიზანს წარმოადგენდა იურისტ სტუდენტებსა და ახალგაზრდა იურისტებში მედიაციასთან დაკავშრებული, როგროც თეორიული ასევე პრაქტიკული ცოდნის გაღრმავება. შერჩეულ მონაწილეებს ერთი კვირის განმავლობაში მედიატორების მიერ ჩაუტარდათ ლექცია-სემინარები მედიაციის შესახებ;
გასაუბრებების საფუძველზე პროექტში შეირჩა 35 საუკეთესო მონაწილე, რომლებიც ერთი კვირის განმავლობაში აქტიურად იყვნენ ჩართულნი სალექციო პროცესში.
სამართლის სკოლის ფარგლებში განხილული იქნა შემდეგი საკითხები:
1. დავის გადაწყვეტის ალტერნატიული გზები; მედიაციის არსი და მნიშვნელობა მედიაციის შედარებითი უპირატესობა დავის გადაწყვეტის სხვა ალტერნატიულგზებთან მიმართებით;
2. მედიაციის ეთიკური საფუძვლები და პრინციპები;მედიაციის მნიშვნელობა ქართული სამართლის განვითარებაში, საქართველოს კანონი ,,მედიაციის შესახებ“
3. მედიაციის პროცესი (გახსნა, მომზადება, მოლაპარაკება);
4. მედიაციის მონაწილე მხარეები, მედიატორის როლი მედიაციის პროცესში;
5. მედიაციის წარმოების ფორმები;
6. მედიაციის შესაბამისი ვერბალური კომუნიკაცია,ნდობის ჩამოყალიბება,აქტიური მოსმენის ტექნიკები, ემოციების გაზიარება.
სამართლის სკოლის დასრულებასთან ერთად მონაწილეები გადანაწილდნენ 3 კაციან ჯგუფებში და ამჟამად ემზადებიან მედიაციის შეჯიბრისთვის.
