„საქართველოს მედიატორთა ასოციაცია“-ს და ,,საქართველოს პროფესიული კავშირების გაერთიანება“-ს შორის თანამშრომლობის მემორანდუმი გაფორმდა.
მემორანდუმის მიზანია მხარეებს შორის თანამშრომლობა მედიაციის, როგორც დავის გადაწყვეტის ალტერნატიული მექანიზმის საქართველოში დანერგვისა და პოპულარიზაციისთვის, დავების დროული და ეფექტური გადაწყვეტისთვის.
დოკუმენტს ხელი მოაწერეს “საქართველოს მედიატორთა ასოციაციის” თავმჯდომარემ ირაკლი ყანდაშვილმა და “საქართველოს პროფკავშირების გაერთიანების” თავმჯდომარემ ირაკლი პეტრიაშვილმა.
მემორანდუმის ხელმოწერას ესწრებოდნენ სოციალური პარტნიორები : ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მინისტრის მოადგილე თამარ ბარკალაია და დამსაქმებელთა ასოციაციის თავმჯდომარე ელგუჯა მელაძე.
