საქართველოს მედიატორთა ასოციაციის ეთიკის კომისიის წევრებისთვის გაიმართა სამუშაო შეხვედრა ევროპის საბჭოს ოფისის მხარდაჭერით პროექტის „დავის გადაწყვეტის ალტერნატიული მექანიზმების განვითარება საქართველოში “ფარგლებში.
სამუშაო შეხვედრა გახსნეს საქართველოს მედიატორთა ასოციაციის თავმჯდომარემ ირაკლი ყანდაშვილმა და ევროპის საბჭოს საქართველოს ოფისის წარმომადგენელმა თამარ ზუბაშვილმა.
საქართველოს მედიატორთა ასოციაციის ეთიკის კომისიის სამუშაო შეხვედრისთვის სპეციალურად მოწვეული იყო ევროპის საბჭოს კონსულტანტი ნინა ბეტეტო, რომელმაც ისაუბრა ევროპის საბჭოს და მედიატორების ეთიკური სტანდარტებზე, დისციპლინური პასუხისმგებლობის შესახებ სანქციების სისტემაზე.
სამუშაო შეხვედრის მიზანს წარმოადგენდა მედიატორთა ასოციაციის ეთიკის კომისიის წევრების ცოდნის გაღრმავება მედიაციის ეთიკური საფუძვლების შესახებ, სხვა იურისდიქციებში არსებული მედიატორების ეთიკური სტანდარტების და დისციპლინურ პროცედურებზე, ასევე პრაქტიკული გამოცდილების გაზიარება იმის შესახებ, თუ როგორ უნდა განხორციელდეს ეთიკური პრინციპები რეალურ მედიაციაში.
ეთიკის კომისიის თავმჯდომარემ სოფიო დუღაშვილმა ისაუბრა სანქციების აღსრულების სისტემასა და ეთიკური სტანდარტების დაცვის ქართულ მოდელზე. სამუშაო შეხვედრა დასრულდა რეალური შემთხვევის სცენარებზე მუშაობით და დისკუსიით.
საქართველოს მედიატორთა ასოციაცია დონორი ორგანიზაციების მხარდაჭერით აგრძელებს მედიაციის ინსტიტუციის გაძლიერება განვითარების მიზნით საერთაშორისო ექსპერტებთან თანამშრომლობას.
