ENG

„საქართველოს მედიატორთა ასოციაციის“ თავმჯდომარე ირაკლი ყანდაშვილი აზერბაიჯანის მედიაციის საბჭოს თავმჯდომარეს ნადირ ადილოვს შეხვდა.

საქართველოს მედიატორთა ასოციაციის თავმჯდომარეს ირაკლი ყანდაშვილსა და აზერბაიჯანის მედიაციის საბჭოს თავმჯდომარეს ნადირ ადილოვს შორის გაცნობითი სამუშაო შეხვედრა გაიმართა.მხარეებმა ისაუბრეს როგორც საქართველოსა და აზერბაიჯანში არსებული მედიაციის პროცესების და პერსპექტივების, ისე დავის რეგულირების ახალი მექანიზმის არსებული გამოწვევების და საჭიროებების შესახებ. შეხვედრაზე აღინიშნა მოკლე პერიოდში დანერგილი სიახლეების და რეფორმების კონკრეტული შედეგები, რაც მიზნად ისახავს მედიაციის პოპულარიზაციის გაზრდას და კიდევ უფრო სწრაფი და სანდო მართლმსაჯულების ხელმისაწვდომობის უზრუნველყოფას საქართველოში.ასოციაცია განსაკუთრებულ მნიშვნელობას ანიჭებს საერთაშორისო მასშტაბით სხვადასხვა ქვეყნებთან მჭიდრო თანამშრომლობას მედიაციის სფეროში და გამოთქვამს მზადყოფნას აზერბაიჯანის მედიაციის საბჭოსთან შემდგომი ერთობლივი თანამშრომლობისთვის.
უკან

_Video Gallery

სხვა სიახლეები

"საქართველოს მედიატორთა ასოციაციასა“ და აჭარის ავტონომიური რესპუბლიკის სავაჭრო-სამრეწველო პალატას შორის მემორანდუმი გაფორმდა

"საქართველოს მედიატორთა ასოციაციის“ თავმჯდომარემ, ირაკლი ყანდაშვილმა და „აჭარის ავტონომიური რესპუბლიკის სავაჭრო-სამრეწველო პალატის" თავმჯდომარემ, გიორგი რომანაძემ, ურთიერთთანამშრომლობის მემორანდუმს მოაწერეს ხელი.

სამუშაო შეხვედრა საქართველოს პარლამენტის განათლებისა და მეცნიერების კომიტეტში

საქართველოს მედიატორთა ასოციაციის თავმჯდომარე ირაკლი ყანდაშვილის მონაწილეობით საქართველოს პარლამენტის განათლებისა და მეცნიერების კომიტეტში სამუშაო შეხვედრა გაიმართა-სასწავლო დაწესებულებებში მედიაციის, როგორც სასწავლო დისციპლინის დანერგვასთან დაკავშირებით.

კიდევ ერთი ახალი სასამართლო მედიაციის ცენტრი გაიხსნა გორის რაიონულ სასამართლოში

საქართველოს უზენაესი სასამართლოს, სამოქალაქო საქმეთა პალატის თავმჯდომარემ გიორგი მიქაუტაძემ "საქართველოს მედიატორთა ასოციაციის" თავმჯდომარემ ირაკლი ყანდაშვილმა და გორის რაიონული სასამართლოს თავმჯდომარემ შალვა კაკაურიძემ გორის რაიონული სასამართლოში გახსნეს სასამართლო მედიაციის ცენტრი.