ENG

საქართველოს მედიატორთა ასოციაციის თავმჯდომარის ირაკლი ყანდაშვილის პრაქტიკული სახელმძღვანელოს - "მედიაცია - დავის გადაწყვეტის ეფექტური საშუალება" -ის პრეზენტაცია.

28 ნოემბერს, თბილისის სახელმწიფო უნივერსიტეტში გაიმართა საქართველოს მედიატორთა ასოციაციის თავმჯდომარის, თსუ იურიდიული ფაკულტეტის ლექტორის ირაკლი ყანდაშვილის პრაქტიკული სახელმძღვანელოს - "მედიაცია - დავის გადაწყვეტის ეფექტური საშუალება" -ის პრეზენტაცია.

მოწვეულ სტუმრებს მისასალმებელი სიტყვით მიმართა სახელმძღვანელოს ავტორმა ირაკლი ყანდაშვილმა. მან მადლობა გადაუხადა ყველა იმ პირს ვინც სახელმძღვანელოს შექმნაში შეიტანა წვლილი.

ღონისძიებაზე ასევე სიტყვით გამოვიდნენ  ივანე ჯავახიშვილის თბილისის  სახელობის სახელმწიფო უნივერსიტეტის იურიდიული ფაკულტეტის დეკანი თამარ ზარანდია, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე, საქართველოს ადვოკატთა ასოციაციის თავმჯდომარე დავით ასათიანი.

წიგნის პრეზენტაციას ესწრებოდნენ მოსამართლეები, საქართველოს მედიატორთა ასოციაციის წარმომადგენლები და მედიატორები, ადვოკატთა ასოციაციის წევრები, უნივერსიტეტის პროფესორები და სტუდენტები, ასევე წიგნით დაინტერესებული სხვა პირები.

ღონისძიების დასასრულს წიგნის ავტორმა ირაკლი ყანდაშვილმა, მოწვეულ სტუმრებს პირადი ავტოგრაფით საჩუქრად გადასცა სახელმძღვანელოები.
უკან

_Video Gallery

სხვა სიახლეები

კონფერენცია „ინდივიდუალური შრომითი დავების ალტერნატიული გადაწყვეტა – საერთაშორისო და ქართული პერსპექტივა“,

საქართველოს მედიატორთა ასოციაციამ მონაწილეობა მიიღო კონფერენციაში „ინდივიდუალური შრომითი დავების ალტერნატიული გადაწყვეტა – საერთაშორისო და ქართული პერსპექტივა“, რომელიც გაიმართა საქართველოს ბიზნეს ასოციაციისა და DANSK Industri-ის ერთობლივი პროექტის ფარგლებში.

საერთაშორისო სამეცნიერო-პრაქტიკულ კონფერენცია

საქართველოს მედიატორთა ასოციაციის თავმჯდომარე, ირაკლი ყანდაშვილი, მიწვეული იყო ყაზახეთის რესპუბლიკის კონსტიტუციის 30 წლისთავისადმი მიძღვნილ საერთაშორისო სამეცნიერო-პრაქტიკულ კონფერენციაზე, სადაც წარსდგა მოხსენებით თემაზე: „მედიაცია – მართლმსაჯულების ეფექტურობის წინაპირობა“.

პრაღაში გამართულ საერთაშორისო ეკონომიკურ ფორუმზე საქართველოს მედიატორთა ასოციაციის თავმჯდომარემ ირაკლი ყანდაშვილმა წარადგინა მედიაციის ქართულ მოდელზე მოხსენება

მოხარულები ვართ გაცნობოთ, რომ საქართველოს მედიატორთა ასოციაციის თავმჯდომარემ და გრიგოლ რობაქიძის უნივერსიტეტის სამართლის სკოლის პროფესორმა, ბატონმა ირაკლი ყანდაშვილმა, მონაწილეობა მიიღო პრაღაში გამართულ მე-17 საერთაშორისო ეკონომიკურ ფორუმში EconWorld.