“საქართველოს მედიატორთა ასოციაციის" თავმჯდომარე ირაკლი ყანდაშვილი და ასოციაციის აღმასრულებელი მდივანი თამარ იმნაიშვილი, ივანე ჯავახიშვილის სახელობის უნივერსიტეტის სტუდენტებს შეხვდნენ. საქართველოს მედიატორთა ასოციაციასა და ივანე ჯავახიშვილის სახელობის თბილისის სახელმწიფო უნივერსიტეტს შორის არსებული ურთიერთთანამშრომლობის მემორანდუმის ფარგლებში თსუ-ის იურიდიული ფაკულტეტის ბაკალავრიატისა და მაგისტრატურის საგანმანათლებლო საფეხურის 25 სტუდენტი მედიატორისა და მხარე-წარმომადგებლის პროფესიული კომპეტენციების განვითარების მიზნით, სპეციალური მომზადების საფუძველზე უშუალოდ ჩაერთვებიან მედიატორის პრაქტიკული უნარ-ჩვევების შეფასების მიზნით ორგანიზებულ მედიაციის სიმულაციურ პროცესებში. თბილისის სახელმწიფო უნივერსიტეტის იურიდიული ფაკულტეტის სტუდენტების აქტივობა ხორციელდება მედიაციის კლინიკური სწავლების პრაქტიკული კომპონენტის ფარგლებში და აღიარებულ იქნება სასწავლო კრედიტებად უმაღლესი საგანმანათლებლო დაწესებულების აკადემიურ სემესტრებში. თბილისის სახელმწიფო უნივერსიტეტის იურიდიული ფაკულტეტის სტუდენდენტების 2-თვიანი სტაჟირება და მედიაციის კლინიკური სწავლების პრაქტიკული მოდული საქართველოს მედიატორთა ასოციაციის ბაზაზე განხორციელდება ყოველსემესტრულად მედიატორის პრაქტიკული უნარ-ჩვევების შეფასების საგაზაფხულო და საშემოდგომო სესიებზე.
