ENG

სერტიფიცირებული კურსი „საზაფხულო სკოლა: წარმომადგენლობა მედიაციაში 2026“ ფარგლებში პანელური დისკუსია Global Trends in ADR

საქართველოს მედიატორთა ასოციაციის თავმჯდომარემ, თამარ იმნაიშვილმა, მონაწილეობა მიიღო საქართველოს ადვოკატთა ასოციაციის ორგანიზებითა და აშშ-ის კომერციული სამართლის განვითარების პროგრამის (CLDP) მხარდაჭერით გამართული სერტიფიცირებული კურსის „საზაფხულო სკოლა: წარმომადგენლობა მედიაციაში 2026“ ფარგლებში ჩატარებულ პანელურ დისკუსიაში Global Trends in ADR (with a focus on Georgia's position).

პანელურ დისკუსიაში ასევე მონაწილეობდნენ ბექა ინჯია საქართველოს საერთაშორისო საარბიტრაჟო ცენტრის (GIAC) გენერალური მდივანი და ლაშა კალანდაძე CEDR-ის მიერ აკრედიტებული მედიატორი. დისკუსიას მოდერაციას უწევდა საქართველოს ადვოკატთა ასოციაციის თავმჯდომარე ირაკლი ყანდაშვილი.

პანელის ფარგლებში განხილული იყო დავების ალტერნატიული გადაწყვეტის (ADR) თანამედროვე გლობალური ტენდენციები, საქართველოს გამოცდილება და განვითარების პერსპექტივები, ასევე მედიაციისა და არბიტრაჟის როლი ეფექტიანი და თანამედროვე მართლმსაჯულების სისტემის განვითარებაში.

საქართველოს მედიატორთა ასოციაცია მიესალმება მსგავს პროფესიულ და საგანმანათლებლო ინიციატივებს და მზად არის საქართველოს ადვოკატთა ასოციაციასთან აქტიური და ნაყოფიერი თანამშრომლობისთვის, რათა ერთობლივი ძალისხმევით ხელი შეეწყოს მედიაციის ინსტიტუტის განვითარებას.
უკან

_Video Gallery

სხვა სიახლეები

მედიატორებს შორის პროფესიული გამოცდილების გაზიარების შეხვედრა

საქართველოს მედიატორთა ასოციაციის ორგანიზებით გაიმართა მედიატორთა პროფესიული გამოცდილების გაზიარების შეხვედრა, რომლის მიზანი იყო პროფესიული დიალოგის ხელშეწყობა, პრაქტიკული გამოცდილების გაზიარება და მედიაციის სფეროში არსებული გამოწვევებისა და განვითარების შესაძლებლობების განხილვა.

საქართველოს მედიატორთა ასოციაციამ CLDP-ის წარმომადგენლებს უმასპინძლა

საქართველოს მედიატორთა ასოციაციის თავმჯდომარემ, თამარ იმნაიშვილმა, ასოციაციის ოფისში უმასპინძლა აშშ-ის სახელმწიფო დეპარტამენტის კომერციული სამართლის განვითარების პროგრამის (CLDP) წარმომადგენლებს ნიკოლეტ ი. მენას, საერთაშორისო პროგრამების უფროს სპეციალისტს (Senior International Program Specialist), და დავით გაგნიძეს, იურიდიულ მრჩეველს (Attorney Advisor).

დაიწყო პრაქტიკულ უნარ-ჩვევებში პროგრამაზე რეგისტრაცია

2026 წლის 25 სექტემბრიდან დაიწყო პრაქტიკულ უნარ-ჩვევებში პროგრამაზე რეგისტრაცია