საქართველოს მედიატორთა ასოციაცია, გაეროს განვითარების პროგრამის მხარდაჭერით, აგრძელებს მედიაციის შესახებ ცნობიერების ამაღლების კამპანიას სხვადასხვა უნივერსიტეტის ბაზაზე.
კამპანიის ფარგლებში შეხვედრა გაიმართა გორის სახელმწიფო უნივერსიტეტის სტუდენტებთან.
ღონისძიება გახსნა და მისასალმებელი სიტყვით სტუდენტებს მიმართეს გორის სახელმწიფო უნივერსიტეტის რექტორის მოადგილემ ზურაბ ზურაბაშვილმა, ადმინისტრაციის ხელმძღვანელმა დავით კვერნაძემ და საქართველოს მედიატორთა ასოციაციის აღმასრულებელმა დირექტორმა, თავმჯდომარის მოვალეობის შემსრულებელმა თამარ იმნაიშვილმა.
შეხვედრის ფარგლებში, საქართველოს მედიატორთა ასოციაციის აღმასრულებელი საბჭოს წევრმა, თეა ჭეიშვილმა, სტუდენტებს მედიაციის შესახებ ამომწურავი და საინტერესო ინფორმაცია მიაწოდა.
საქართველოს მედიატორთა ასოციაციის ერთ-ერთ მთავარ პრიორიტეტს წარმოადგენს ახალგაზრდა თაობაში მედიაციის შესახებ ცნობიერების ამაღლება.
