საქართველოს მედიატორთა ასოციაციამ გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ "სცადე მედიაციის" ფარგლებში უკრაინულ სახლში გამართა შეხვედრა .
უკრაინელ საზოგადოებას მისასალმებელი სიტყვით მიმართეს: საქართველოს მედიატორთა ასოციაციის თავმჯდომარე - ირაკლი ყანდაშვილმა, გაეროს განვითარების პროგრამის კანონის უზენაესობის პროექტის მენეჯერმა - ლევან ასათიანმა და უკრაინული სახლის ხელმძღვანელმა - ვალენტინა მარჯანიშვილმა.
ასოციაციის თავმჯდომარემ დამსწრე საზოგადოებას გააცნო მედიაციის არსი, მისი უპირატესობები, ეფექტურობა დავათა სხვადასხვა კატეგორიებში, შეხვედრაზე ყურადღება გამახვილდა საოჯახო და ბიზნეს კატეგორიის სამედიაციო დავებზე.
ღონისძიება ინტერაქციულ რეჟიმში მიმდინარეობდა და მონაწილეების მხრიდან დაისვა არა ერთი საინტერესო კითხვა.
შეხვედრის დასასრულს ასოციაციის თავმჯდომარემ ირაკლი ყანდაშვილმა უკრაინელ საზოგადოებას მხარდაჭერა გამოუცხადა და უსურვა მათ მალე მშვიდობიანი დაბრუნება სამშობლოში.
