ამ წუთებში, საქართველოს მედიატორთა ასოციაციის წევრებისათვის ტრენინგი მიმდინარეობს, სახელწოდებით- მედიატორი-საქმის მენეჯერი, რომელიც განგრძობადი პროფესიული განათლების ფარგლებში იმართება
შეხვედრა USAID სამართლის უზენაესობის პროგრამის - მედიაციის ინსტიტუციური გაძლიერების და განვითარების პროექტის - მხარდაჭერით ხორციელდება.
მონაწილეებს მიესალმნენ საქართველოს მედიატორთა ასოციაციის თავმჯდომარე ირაკლი ყანდაშვილი და USAID სამართლის უზენაესობის პროგრამის ADR-ის მიმართულებით მრჩეველი, ირაკლი გელოვანი.
ტრენინგს თბილისის საქალაქო სასამართლოს, მედიაციის ცენტრის ხელმძღვანელი, საქართველოს მედიატორთა ასოციაციის წევრი, ელენე ორჯონიკიძე უძღვება. შეხვედრა ონლაინ რეჟიმში მიმდინარეობს , რომელსაც მედიატორები საქართველოს სხვადასხვა რეგიონებიდან ესწრებიან.
ტრენინგზე ისეთ მნიშვნელოვან თემებს განიხილავენ , როგორებიც არის მედიატორის არჩევა /დანიშვნა, თანამედიაცია და მხარეებთან კომუნიკაცია, ასევე საუბარი იქნება მედიაციის ვადებთან დაკავშირებულ საკითხებზე. მედიატორები შეხვედრის განმავლობაში პრაქტიკულ სავარჯიშოებსაც შეასრულებენ.
