საქართველოს მედიატორთა ასოციაციის თავმჯდომარემ ირაკლი ყანდაშვილმა ევროპის საბჭოს მხარდაჭერით სამუშაო ვიზიტის ფარგლებში, ნიდერლანდებში ურთიერთთანამშრომლობის მემორანდუმი გააფორმა მედიატორთა საერთაშორისო რეესტრთან (IRM) .
მემორანდუმი მიზნად ისახავს - მხარეთა საერთო ინტერესების სფეროში შემავალ აქტუალურ საკითხებზე საერთაშორისო თანამშრომლობას, პრაქტიკის გაზიარებას,მედიაციის ინსტიტუტის განვითარებისა და მისი პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას.
მემორანდუმს ხელი მოაწერეს “საქართველოს მედიატორთა ასოციაციის” თავმჯდომარემ ირაკლი ყანდაშვილმა და საერთაშორისო მედიაციის რეესტრის თავმჯდომარემ, პროფესორმა იან ცვიტენმა.
საქართველოს მედიატორთა ასოციაცია აგრძელებს საერთაშორისო ორგანიზაციებთან ურთიერთთანამშრომლობას ქვეყანაში მედიაციის ინსტიტუტის გაძლიერება-განვითარების მიზნით.
