ENG

ურთიერთთანამშრომლობის მემორანდუმი ილიას სახელმწიფო უნივერსიტეტთან

მედიაციის ინსტიტუტის გაძლიერების პროცესი გრძელდება.
მედიაციის დანერგვისა და განვითარების საქმეში დიდია როლი და მნიშვნელობა უნივერსიტეტებისა. სწორედ ამიტომ გრძელდება ურთიერთთანამშრომლობის პროცესი და დღეს, 17 ივნისს ,,საქართველოს მედიატორთა ასოციაციასა“ და ილიას სახელმწიფო უნივერსიტეტს შორის გაფორმდა ურთიერთთანამშრომლობის მემორანდუმი.
მემორანდუმის ხელმომწერნი არიან ,,საქართველოს მედიატორთა ასოციაციის“ თავმჯდომარე ირაკლი ყანდაშვილი და ილიაუნის სამართლის სკოლის დეკანი ირაკლი ფორჩხიძე.
ურთიერთთანამშრომლობის მემორანდუმის თანახმად ,,საქართველოს მედიატორთა ასოციაციაციამ“ და ილიას სახელმწიფო უნივერსიტეტმა დაიწყეს COVID-19-ის პანდემიის შედეგად გამოწვეული შრომითი დავების მედიაციის გზით მოგვარების სამთვიანი პროექტი, რომელიც ევროკავშირისა და გაეროს განვითარების პროგრამის მხარდაჭერით ხელს შეუწყობს დამსაქმებელსა და დასაქმებულს შორის პანდემიის შედეგად გამოწვეული დავების მშვიდობიანად, დროულად და ნაკლები დანახარჯით მოგვარებას.
საქართველოს მედიატორთა ასოციაციის“ თავმჯდომარის, ირაკლი ყანდაშვილის განმარტებით, ეს არის სოციუმისათვის შეთავაზებული უნიკალური საშუალება და ეფექტური მექანიზმი, რათა სრულიად უფასოდ და ეფექტიანად მოგვარდეს მათ შრომით სამართლებრივ ურთიერთობებში წარმოშობილი დავები.
უკან
სხვა სიახლეები

საინფორმაციო ბიულეტენი

გაეცანით "საქართველოს მედიატორთა ასოციაციის" 2023 წლის იანვარი - აპრილის აქტივობების შესახებ საინფორმაციო ბიულეტენს.

საქართველოს მედიატორთა ასოციაციის თავმჯდომარე, ირაკლი ყანდაშვილი ტექნიკური უნივერსიტეტის სტუდენტებს შეხვდა

შეხვედრა აფხაზეთის ავტონომიური რესპუბლიკის მთავრობასთან ურთიერთთანამშრომლობის ფარგლებში მიმდინარეობდა და მასში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციის, სამოქალაქო ინტეგრაციის საკითხებში აფხაზეთის მინისტრი ნანა გაბელია და იურიდიული დახმარების სამსახურის დირექტორი დავით სიმონია მონაწილეობდნენ.

კონფერენცია - "შრომითი უფლებები სამოქალაქო საზოგადოებისთვის“

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო კონფერენციაზე - "შრომითი უფლებები სამოქალაქო საზოგადოებისთვის“, რომელიც გაიმართა იუსტიციის სასწავლო ცენტრის და “შვედეთის კურსდამთავრებულთა ქსელის საქართველოში” ორგანიზებით.