ENG

ურთიერთთანამშრომლობის მემორანდუმი "ევროპის უნივერსიტეტთან"

"საქართველოს მედიატორთა ასოციაციას", ურთიერთთანამშრომლობის მემორანდუმით "ევროპის უნივერსიტეტი" შემოუერთდა. მედიაციის დანერგვისა და განვითარების საქმეში უნივერსიტეტების ჩართულობა მნიშვნელოვანია. გრძელდება ურთიერთთანამშრომლობის აქტიური პროცესი. 23 ივნისს გამოფორმდა ურთიერთთანამშრომლობის მემორანდუმი "საქართველოს მედიატორთა ასოციაციასა“ და "ევროპის უნივერსიტეტს" შორის. მემორანდუმის ხელმომწერნი არიან: "საქართველოს მედიატორთა ასოციაციის“ თავმჯდომარე ირაკლი ყანდაშვილი და "ევროპის უნივერსიტეტის" რექტორი თამარ კორძაია.
ურთიერთთანამშრომლობის მემორანდუმის თანახმად "საქართველოს მედიატორთა ასოციაციამ“ და "ევროპის უნივერსიტეტმა" დაიწყეს COVID-19-ის პანდემიის შედეგად გამოწვეული შრომითი დავების მედიაციის გზით მოგვარების სამთვიანი პროექტი, რომელიც ევროკავშირისა და გაეროს განვითარების პროგრამის მხარდაჭერით, ხელს შეუწყობს დამსაქმებელსა და დასაქმებულს შორის პანდემიის შედეგად გამოწვეული დავების მშვიდობიანად, დროულად და ნაკლები დანახარჯით მოგვარებას.
უკან
სხვა სიახლეები

ურთიერთთანამშრომლობის მემორანდუმი „საქართველოს მედიატორთა ასოციაციის“ ეთიკის კომისიასა და იუსტიციის უმაღლესი საბჭოს დამოუკიდებელ ინსპექტორს შორის

სსიპ „საქართველოს მედიატორთა ასოციაციის“ ახლად არჩეულ ეთიკის კომისიასა და იუსტიციის უმაღლესი საბჭოს დამოუკიდებელ ინსპექტორთან ურთიერთთანამშრომლობის მემორანდუმი გაფორმდა. შეხვედრაზე მხარეები პროფესიულ ეთიკურ სტანდარტებსა და დისციპლინურ საქმისწარმოებასთან დაკავშირებით თანამშრომლობაზე, მათ შორის ინფორმაციის გაცვლასა და პრაქტიკული გამოცდილების გაზიარებაზე შეთანხმდნენ.

"ვაქციოთ კანონი ყველასთვის ხელმისაწვდომი"

„საქართველოს მედიატორთა ასოციაციის“ თავმჯდომარემ ირაკლი ყანდაშვილმა ხელი მოაწერა დეკლარაციას, რომელიც ქვეყნის მასშტაბით დაწყებული მოძრაობის, „ვაქციოთ კანონი ყველასთვის ხელმისაწვდომი“ სულისკვეთებას გამოხატავს

ევროპის ადვოკატთა ასოციაციის მედიაციის კომიტეტის პირველი სამუშაო შეხვედრა

11 ივნისს გაიმართა ევროპის ადვოკატთა ასოციაციის მედიაციის კომიტეტის პირველი სამუშაო შეხვედრა, რომელსაც თავმჯდომარეობდა „საქართველოს მედიატორთა ასოციაციის“ ხელმძღვანელი ირაკლი ყანდაშვილი.