,,საქართველოს მედიატორთა ასოციაცია“-სა და ,,იურიდიული დახმარების სამსახურ“-ს შორის ურთიერთთანამშრომლობის მემორანდუმი გაფორმდა.
მემორანდუმი მიზნად ისახავს საერთო ინტერესების სფეროში შემავალ აქტუალურ საკითხებზე თანამშრომლობას, მედიაციის ინსტიტუციური განვითარებისა და პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას, რომელიც ხელს შეუწყობს საქართველოში მედიაციის, როგორც დავის გადაწყვეტის ალტერნატიული საშუალების დანერგვა/პოპულარიზაციას.
მხარეებმა განიხილეს და დაგეგმეს მემორანდუმის ფარგლებში სამომავლო აქტივობები, მათ შორის იურიდიული დახმარების სამსახურში არსებულ საქმეთა მედიაციაში რეფერირების, პრაქტიკაში დანერგვა-განხორციელების იდეა.
მნიშვნელოვანია იურიდიული დახმარების სამსახურის წარმოებაში არსებულ სამოქალაქო კატეგორიის დავებზე მედიაციის გამოყენების დანერგვა, რაც ხელს შეუწყობს ერთი მხრივ, მედიაციის პოპულარიზაცია-განვითარებას და მეორე მხრივ, იურიდიული დახმარების სამსახურში არსებულ საქმეთა ნაკადის განტვირთვას.
მემორანდუმს ხელი მოაწერეს სსიპ “საქართველოს მედიატორთა ასოციაციის” თავმჯდომარემ ირაკლი ყანდაშვილმა და ,,იურიდიული დახმარების სამსახურის” დირექტორმა - დავით სიმონიამ.
