ENG

ურთიერთთანამშრომლობის მემორანდუმი ,,საქართველოს მედიატორთა ასოციაციასა" და საქართველოს უზენაეს სასამართლოს შორის

,,საქართველოს მედიატორთა ასოციაციასა” და საქართველოს უზენაეს სასამართლოს შორის ურთიერთთანამშრომლობის მემორანდუმი გაფორმდა.

მემორანდუმის თანახმად ინსტიტუციები შეთანხმდნენ ერთობლივი ძალისხმევით გადადგან ნაბიჯები მედიაციის პოპულარიზაციის, სასამართლო მედიაციის ეფექტური განვითარების მიზნით, ისევე როგორც დაიგეგმა ერთობლივი პროექტები მედიაციის შესახებ ცნობიერების ზრდის თვალსაზრისით.

აღნიშნული თანამშრომლობა წარმოადგენს მნიშვნელოვან წინაპირობას მედიაციის შემდგომი განვითარების საქართველოში.
 
მემორანდუმს ხელს აწერენ საქართველოს უზენაესი სასამართლოს თავმჯდომარე ქალბატონი ნინო ქადაგიძე და ,,საქართველოს მედიატორთა ასოციაციის” თავმჯდომარე ბატონი ირაკლი ყანდაშვილი.
 

ღონისძიებას ესწრებოდნენ საქართველოში წარმოდგენილი საერთაშორისო ორგანიზაციების და ბიზნეს სექტორის წარმომადგენლები.

ღონისძიება მხარდაჭერილია ევროკავშირის და გაეროს განვითარების პროგრამის მიერ.

 

უკან
სხვა სიახლეები

საქართველოს მედიატორთა ასოციაციამ მონაწილეობა მიიღო ინტელექტუალური საკითრების მსოფლიო ორგანიზაციის (WIPO) არბიტრაჟისა და მედიაციის ცენტრისა და საქპატენტის თანაორგანიზებით დაგეგმილ ვებინარში, რომელიც დავების გადაწყვეტის ალტერნატიულ მეთოდებს შეეხებოდა.

ღონისძიება გაიმართა WIPO-სა და სსიპ - ინტელექტუალური საკუთრების ეროვნულ ცენტრს ,,საქპატენტს“ შორის გაფორმებული ურთიერთგაგების მემორანდუმის ფარგლებში. ვებინარზე, საქართველოს მედიატორთა ასოციაციის თავმჯდომარემ , ირაკლი ყანდაშვილმა, საქართველოში მედიაციის პროცესის პრინციპებსა და მორიგების ხელშეკრულებების აღსრულების შესახებ, პრეზენტაცია წარადგინა.

საქართველოს მედიატორთა ასოციაციასა და აფხაზეთის ავტონომიური რესპუბლიკის მთავრობას შორის ურთიერთთანამშრომლობის მემორანდუმი გაფორმდა

მემორანდუმი მიზნად ისახავს ერთობლივი ინიციატივებისა და ღონისძიებების განხორციელებას. დოკუმენტს, საქართველოს მედიატორტა ასოციაციის თავმჯდომარემ , ირაკლი ყანდაშვილმა და აფხაზეთის ავტონომიური რესპუბლიკის მინისტრმა იუსტიციისა და სამოქალაქო ინტეგრაციის საკითხებში, ნანა გაბელიამ მოაწერეს ხელი.

ევროპის ადვოკატთა ასოციაციის (AEA-EAL) მედიაციის კომიტეტის ეგიდით, გაიმართა ვებინარი თემაზე- ადვოკატის როლი მედიაციის პროცესში.

ვებინარი ონლაინ რეჟიმში მიმდინარეობდა, რომელიც ევროპის ადვოკატთა ასოციაციის პრეზიდენტმა , მარია სლაზაკმა გახსნა.