ENG

ურთიერთთანამშრომლობის მემორანდუმი სდასუს უნივერსიტეტთან

30სექტემბერს, საქართველოს მედიატორთა ასოციაციასა და საქართველოს დავით აღმაშენებლის სახელობის უნივერსიტეტს შორის გაფორმდა ურთიერთთანამშრომლობის მემორანდუმი.

მემორანდუმის ხელმომწერნი არიან: მედიატორთა ასოციაციის თავმჯდომარე ირაკლი ყანდაშვილი და საქართველოს დავით აღმაშენებლის სახელობის უნივერსიტეტის რექტორი თეიმურაზ ქორიძე.

მემორანდუმი ითვალისწინებს მხარეთა საერთო ინტერესების სფეროში შემავალ აქტუალურ საკითხებზე თანამშრომლობას, მედიაციის ინსტიტუტის განვითარებისა და მისი პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას, მათ შორის ერთობლივი მედიაციის ცენტრის დაფუძნებას.
მხარეებმა ერთობლივად დაიწყეს პანდემიის შედეგად გამოწვეული შრომითი დავების მედიაციის გზით მოგვარების უკვე დაწყებული სამთვიანი პროექტი.

მემორანდუმის თანახმად, საქართველოს მედიატორთა ასოციაცია და საქართველოს დავით აღმაშენებლის სახელობის უნივერსიტეტი, ევროკავშირისა და გაეროს განვითარების პროგრამის მხარდაჭერით, ხელს შეუწყობენ დამსაქმებელსა და დასაქმებულს შორის პანდემიის შედეგად გამოწვეული დავების მშვიდობიანად, დროულად და ნაკლები დანახარჯით მოგვარებას.

საქართველოს მედიატორთა ასოციაცია და საქართველოს დავით აღმაშენებლის სახელობის უნივერსიტეტი მჭიდროდ თანამშრომლობენ განათლების სისტემაში მედიაციის ინტეგრირების, ასევე სხვადასხვა ერთობლივი ღონისძიებების გამართვის კუთხით.
უკან
სხვა სიახლეები

სამუშაო შეხვედრა საქართველოს პარლამენტის განათლებისა და მეცნიერების კომიტეტში

საქართველოს მედიატორთა ასოციაციის თავმჯდომარე ირაკლი ყანდაშვილის მონაწილეობით საქართველოს პარლამენტის განათლებისა და მეცნიერების კომიტეტში სამუშაო შეხვედრა გაიმართა-სასწავლო დაწესებულებებში მედიაციის, როგორც სასწავლო დისციპლინის დანერგვასთან დაკავშირებით.

„საქართველოს მედიატორთა ასოციაციის“ თავმჯდომარე ირაკლი ყანდაშვილი აზერბაიჯანის მედიაციის საბჭოს თავმჯდომარეს ნადირ ადილოვს შეხვდა.

საქართველოს მედიატორთა ასოციაციის თავმჯდომარეს ირაკლი ყანდაშვილსა და აზერბაიჯანის მედიაციის საბჭოს თავმჯდომარეს ნადირ ადილოვს შორის გაცნობითი სამუშაო შეხვედრა გაიმარ

კიდევ ერთი ახალი სასამართლო მედიაციის ცენტრი გაიხსნა გორის რაიონულ სასამართლოში

საქართველოს უზენაესი სასამართლოს, სამოქალაქო საქმეთა პალატის თავმჯდომარემ გიორგი მიქაუტაძემ "საქართველოს მედიატორთა ასოციაციის" თავმჯდომარემ ირაკლი ყანდაშვილმა და გორის რაიონული სასამართლოს თავმჯდომარემ შალვა კაკაურიძემ გორის რაიონული სასამართლოში გახსნეს სასამართლო მედიაციის ცენტრი.