ENG

ურთიერთთანამშრომლობის მემორანდუმი სდასუს უნივერსიტეტთან

30სექტემბერს, საქართველოს მედიატორთა ასოციაციასა და საქართველოს დავით აღმაშენებლის სახელობის უნივერსიტეტს შორის გაფორმდა ურთიერთთანამშრომლობის მემორანდუმი.

მემორანდუმის ხელმომწერნი არიან: მედიატორთა ასოციაციის თავმჯდომარე ირაკლი ყანდაშვილი და საქართველოს დავით აღმაშენებლის სახელობის უნივერსიტეტის რექტორი თეიმურაზ ქორიძე.

მემორანდუმი ითვალისწინებს მხარეთა საერთო ინტერესების სფეროში შემავალ აქტუალურ საკითხებზე თანამშრომლობას, მედიაციის ინსტიტუტის განვითარებისა და მისი პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას, მათ შორის ერთობლივი მედიაციის ცენტრის დაფუძნებას.
მხარეებმა ერთობლივად დაიწყეს პანდემიის შედეგად გამოწვეული შრომითი დავების მედიაციის გზით მოგვარების უკვე დაწყებული სამთვიანი პროექტი.

მემორანდუმის თანახმად, საქართველოს მედიატორთა ასოციაცია და საქართველოს დავით აღმაშენებლის სახელობის უნივერსიტეტი, ევროკავშირისა და გაეროს განვითარების პროგრამის მხარდაჭერით, ხელს შეუწყობენ დამსაქმებელსა და დასაქმებულს შორის პანდემიის შედეგად გამოწვეული დავების მშვიდობიანად, დროულად და ნაკლები დანახარჯით მოგვარებას.

საქართველოს მედიატორთა ასოციაცია და საქართველოს დავით აღმაშენებლის სახელობის უნივერსიტეტი მჭიდროდ თანამშრომლობენ განათლების სისტემაში მედიაციის ინტეგრირების, ასევე სხვადასხვა ერთობლივი ღონისძიებების გამართვის კუთხით.
უკან
სხვა სიახლეები

იურიდიული პროფესიების განვითარების ფორუმი

შვედური ინსტიტუტის Swedish Institute Alumni Network დაფინანსებით და საქართველოში შვედეთის საელჩოს Embassy of Sweden in Tbilisi მხარდაჭერით, საქართველოში შვედეთის კურსდამთავრებულთა ქსელის ორგანიზებით ჩატარდა იურიდიული პროფესიების განვითარების ფორუმი.

2022 წლის 25 სექტემბრიდან დაიწყება მედიატორთა მსურველ პირთა პრაქტიკულ უნარ-ჩვევებში შემოწმების მიზნით პროგრამაზე რეგისტრაცია.

გაცნობებთ, რომ 2022 წლის 25 სექტემბრიდან დაიწყება მედიატორთა მსურველ პირთა პრაქტიკულ უნარ-ჩვევებში შემოწმების მიზნით პროგრამაზე რეგისტრაცია. პროგრამაზე რეგისტრაცია გაგრძელდება 2022 წლის 10 ოქტომბრის ჩათვლით.

სსიპ “საქართველოს მედიატორთა ასოციაციის თავმჯდომარემ” - ირაკლი ყანდაშვილმა და ა(ა)იპ „ჩემი ადვოკატი“-ს დირექტორმა მარინა ბერაძემ ხელი მოაწერეს ურთიერთთანამშრომლობის მემორანდუმს

ურთიერთთანამშრომლობის მემორანდუმი მიზნად ისახავს ერთობლივი “პრო ბონო’’ პროექტის განხორციელებას, ინსტიტუციური განვითარებისა და დარგის პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას, ასევე საერთო ინტერესების სფეროში შემავალ აქტუალურ საკითხებზე თანამშრომლობას,