თამარ იმნაიშვილი ამჟამად სსიპ „საქართველოს მედიატორთა ასოციაციის“ აღმასრულებელი დირექტორი, ამავე ასოციაციის დამფუძნებელი და აღმასრულებელი საბჭოს წევრია.
პროფესიით იურისტი, ფლობს ივანე ჯავახიშვილის სახელობის თბილისის სახელმწიფო უნივერსიტეტის სამართალმცოდნეობის მაგისტრთან გათანაბრებულ დიპლომს. ასევე, არის გრიგოლ რობაქიძის სახელობის უნივერსიტეტის სამართლის სადოქტორო საგანმანათლებლო პროგრამის დოქტორანტი.
მას სამართლის სფეროში მრავალწლიანი პრაქტიკული გამოცდილება აქვს როგორც კერძო სექტორში, ასევე საჯარო სამართლის სუბიექტებში. წლების განმავლობაში მუშაობდა სსიპ „საქართველოს ადვოკატთა ასოციაციის“ სასწავლო ცენტრში.
ჩაბარებული აქვს საქართველოს ადვოკატთა ასოციაციის საკვალიფიკაციო გამოცდა სამოქალაქო სამართლის სპეციალიზაციით და არის ასოციაციის წევრი. 2022 წლიდან საქართველოს ადვოკატთა ასოციაციის შრომის კომიტეტის წევრია.
2020 წელს გაიარა დავის გადაწყვეტის ეფექტური მექანიზმების ცენტრის (CEDR) მიერ ორგანიზებული ტრენერთა ტრენინგი (ToT), რის საფუძველზეც რეგისტრირებულია სსიპ „საქართველოს მედიატორთა ასოციაციის“ აკრედიტებული ტრენერებისა და შემფასებლების ერთიან რეესტრში.
2022-2023 წლებში იყო კონფლიქტოლოგიის უმაღლესი განათლების დარგობრივი საბჭოს წევრი. 2022-2024 წლებში მედიაციის საერთაშორისო პრაქტიკის შესწავლის მიზნით იმყოფებოდა სასწავლო ვიზიტებით ამერიკის შეერთებულ შტატებში, დიდ ბრიტანეთში, ნიდერლანდებსა და იტალიაში.
2023 წლიდან საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინსიტროს - კოლექტიური შრომითი დავების მედიატორია. წლების განმავლობაში აქტიურად მონაწილეობდა მრავალ პროფესიულ კონფერენციასა და ტრენინგში.
