GEO

7 დეკემბერს იწყება მედიატორთა ასოციაციის წევრებისთვის ტრენინგი „ბავშვთა უფლებებში“

7 დეკემბერს იწყება მედიატორთა ასოციაციის წევრებისთვის ტრენინგი „ბავშვთა უფლებებში“

საქართველოს მედიატორთა ასოციაციისთვის მნიშვნელოვანია უპასუხოს იმ გამოწვევებს, რომლის წინაშეც დგას თანამედროვე საზოგადოება ბავშვის აღზრდისა და ბავშვის უფლებების დაცვის სფეროში, რათა დაცული იყოს ბავშვთა საუკეთესო ინტერესები.

საქართველოს პარლამენტის მიერ 2019 წლის სექტემბერში მიღებული „ბავშვის უფლებათა კოდექსი“ და ასევე, საერთაშორისო ხელშეკრულებები, მართლმსაჯულების სისტემაში მოხვედრილ ბავშვთა მიმართ განსაკუთრებულ მოპყრობას მოითხოვს. სამართალწარმოების განხორციელებისას, ბავშვთა საუკეთესო ინტერესების დაცვა ყველა მონაწილე უწყების უმნიშვნელოვანესი ამოცანაა. „ბავშვის უფლებათა კოდექსი“-ს 73-ე მუხლი მოითხოვს, რომ ბავშვის უფლებებთან დაკავშირებულ განხილვის პროცესში ჩართულ იყვნენ სპეციალიზებული პირები. აქედან გამომდინარე, სსიპ „საქართველოს მედიატორთა ასოციაცია“ პარტნიორი დონორი ორგანიზაციის გაეროს ბავშვთა ფონდის (UNICEF)_ის მხარდაჭერით, 2020 წლის 1 სექტემბრიდან ამოქმედებულ “ბავშვთა უფლებათა კოდექსის” მოთხოვნათა შესაბამისად, უზრუნველყოფს სპეციალიზებულ კურს დაინტერესებული ასოციაციის წევრებისთვის, რომლებთაც სურვილი აქვთ განახორციელონ ბავშთა უფლებებთან დაკავშირებლი სამედიაციო საქმეები.

აღნიშნული სპეციალიზირებული მედიატორების ჩართულობა სამედიაციო პროცესში, უზრუნველყოფს პროცესის დროს ბავშვებისადმი უთანასწორო მოპყრობის გარეშე, ბავშვის საუკეთესო ინტერესების უპირატეს გათვალისწინებას, მათი ღირსების დაცვას, კეთილდღეობას და უსაფრთხოებას.

ასოციაცია მუდმივად ზრუნავს და ხელს უწყობს ასოციაციის წევრ მედიატორებს პროფესიულ განვითარებაში.
Back

_Video Gallery

Other news

საქართველოს მედიატორთა ასოციაციამ მონაწილეობა მიიღო ინტელექტუალური საკითრების მსოფლიო ორგანიზაციის (WIPO) არბიტრაჟისა და მედიაციის ცენტრისა და საქპატენტის თანაორგანიზებით დაგეგმილ ვებინარში, რომელიც დავების გადაწყვეტის ალტერნატიულ მეთოდებს შეეხებოდა.

ღონისძიება გაიმართა WIPO-სა და სსიპ - ინტელექტუალური საკუთრების ეროვნულ ცენტრს ,,საქპატენტს“ შორის გაფორმებული ურთიერთგაგების მემორანდუმის ფარგლებში. ვებინარზე, საქართველოს მედიატორთა ასოციაციის თავმჯდომარემ , ირაკლი ყანდაშვილმა, საქართველოში მედიაციის პროცესის პრინციპებსა და მორიგების ხელშეკრულებების აღსრულების შესახებ, პრეზენტაცია წარადგინა.

საქართველოს მედიატორთა ასოციაციასა და აფხაზეთის ავტონომიური რესპუბლიკის მთავრობას შორის ურთიერთთანამშრომლობის მემორანდუმი გაფორმდა

მემორანდუმი მიზნად ისახავს ერთობლივი ინიციატივებისა და ღონისძიებების განხორციელებას. დოკუმენტს, საქართველოს მედიატორტა ასოციაციის თავმჯდომარემ , ირაკლი ყანდაშვილმა და აფხაზეთის ავტონომიური რესპუბლიკის მინისტრმა იუსტიციისა და სამოქალაქო ინტეგრაციის საკითხებში, ნანა გაბელიამ მოაწერეს ხელი.

ევროპის ადვოკატთა ასოციაციის (AEA-EAL) მედიაციის კომიტეტის ეგიდით, გაიმართა ვებინარი თემაზე- ადვოკატის როლი მედიაციის პროცესში.

ვებინარი ონლაინ რეჟიმში მიმდინარეობდა, რომელიც ევროპის ადვოკატთა ასოციაციის პრეზიდენტმა , მარია სლაზაკმა გახსნა.