GEO

ევროპის საბჭოს ეგიდით პროექტი -"დავის გადაწყვეტის ალტერნატიული მექანიზმების ხელშეწყობა საქართველოში“ დაიწყო, რომლის მიზანია ქვეყანაში მართლმსაჯულების მიმართულებით ალტერნატიული მექანიზმების განვითარება.

ევროპის საბჭოს პროექტის პირველი მმართველი კომიტეტის შეხვედრა გაიმართა, სადაც მონაწილეობას საქართველოს მედიატორთა ასოციაციასთან ერთად მართლმსაჯულების პროცესში ჩართული სხვადასხვა ორგანიზაციებიც იღებდნენ.
შეხვედრის მონაწილეებს, საქართველოს მედიატორთა ასოციაციის თავმჯდომარემ , ირაკლი ყანდაშვილმა, დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს, განრიდებისა და მედიაციის დეპარტამენტის უფროსმა, მორის ბარამიამ და ევროპის საბჭოს წარმომადგენელმა, საქართველოს და აზერბაიჯანის სამმართველოს ხელმძღვანელმა, მაჰირ მუშტეიდზადამ მიმართეს.
ირაკლი ყანდაშვილის განცხადებით ეს პროექტი ძალიან მნიშვნელოვანია ჩვენი ქვეყნისთვის, რადგან დავის მოგვარების ალტერნატიული საშუალების დანერგვა საქართველოში, სოციალური მშვიდობის დამყარებას შეუწყობს ხელს.
შეხვედრაზე პროექტის ძირითადი მიზნები და მოსალოდნელი შედეგები განიხილეს და პროექტის 6 თვიანი გეგმის პრეზენტაცია წარადგინეს .
მედიაციის მიმართულებით დაგეგმილია სასწავლო მოდულების შემუშავება და მედიაციის შესახებ ცნობიერების ამაღლებისთვის კონკრეტული ღონისძიებების განხორციელება.ა

Back

_Video Gallery

Other news

საქართველოს მედიატორთა ასოციაციამ მონაწილეობა მიიღო ინტელექტუალური საკითრების მსოფლიო ორგანიზაციის (WIPO) არბიტრაჟისა და მედიაციის ცენტრისა და საქპატენტის თანაორგანიზებით დაგეგმილ ვებინარში, რომელიც დავების გადაწყვეტის ალტერნატიულ მეთოდებს შეეხებოდა.

ღონისძიება გაიმართა WIPO-სა და სსიპ - ინტელექტუალური საკუთრების ეროვნულ ცენტრს ,,საქპატენტს“ შორის გაფორმებული ურთიერთგაგების მემორანდუმის ფარგლებში. ვებინარზე, საქართველოს მედიატორთა ასოციაციის თავმჯდომარემ , ირაკლი ყანდაშვილმა, საქართველოში მედიაციის პროცესის პრინციპებსა და მორიგების ხელშეკრულებების აღსრულების შესახებ, პრეზენტაცია წარადგინა.

საქართველოს მედიატორთა ასოციაციასა და აფხაზეთის ავტონომიური რესპუბლიკის მთავრობას შორის ურთიერთთანამშრომლობის მემორანდუმი გაფორმდა

მემორანდუმი მიზნად ისახავს ერთობლივი ინიციატივებისა და ღონისძიებების განხორციელებას. დოკუმენტს, საქართველოს მედიატორტა ასოციაციის თავმჯდომარემ , ირაკლი ყანდაშვილმა და აფხაზეთის ავტონომიური რესპუბლიკის მინისტრმა იუსტიციისა და სამოქალაქო ინტეგრაციის საკითხებში, ნანა გაბელიამ მოაწერეს ხელი.

ევროპის ადვოკატთა ასოციაციის (AEA-EAL) მედიაციის კომიტეტის ეგიდით, გაიმართა ვებინარი თემაზე- ადვოკატის როლი მედიაციის პროცესში.

ვებინარი ონლაინ რეჟიმში მიმდინარეობდა, რომელიც ევროპის ადვოკატთა ასოციაციის პრეზიდენტმა , მარია სლაზაკმა გახსნა.