მედიაციის კვირეულის ფარგლებში საქართველოს მედიატორთა ასოციაციის და საქართველოს არბიტრთა ასოციაციის ორგანიზებით გაიმართა ღონისძიება „ გამოცდილების გაზიარება “მედიატორებს და არბიტრებს შორის, რომელიც მხარდაჭერილი იყო USAID სამართლის უზენაესობის პროგრამის „მედიაციის ინსტიტუციური გაძლიერების და განვითარების პროექტის” ფარგლებში.
ღონისძიება გახსნა და მისასალმებელი სიტყვით მიმართა მოწვეულ სტუმრებს საქართველოს მედიატორთა ასოციაციის თავმჯდომარემ - ირაკლი ყანდაშვილმა, USAID სამართლის უზენაესობის პროგრამის ხელმძღვანელმა ირაკლი ჩხეიძემ და საქართველოს არბიტრთა ასოციაციის თავმჯდომარემ რუსუდან ჭკუასელმა.
მისასალმებელ სიტყვაში საქართველოს მედიატორთა ასოციაციის თავმჯდომარემ, ირაკლი ყანდაშვილმა, ხაზი გაუსვა დავის გადაწყვეტის ალტერნატული საშუალებების (ADR)-ის რეგიონულ განვითარების მნიშვნელობას და მეზობელი ქვეყნების მოსამართლეების, მედიატორების, ადვოკატების და არბიტრების ჩართულობას.
მედიატორები და არბიტრები მნიშვნელოვან როლს ასრულებენ მართლმსაჯულების სისტემის განვითარებაში, მართლმსაჯულებაზე ხელმისაწვდომობის ხელშეწყობაში. საქართველოს მედიატორთა ასოციაციის და საქართველოს არბიტრთა ასოციაციის თანამშრომლობით შეიძლება მიღწეული იქნეს საერთო მიზანი, როგორიცაა საკანონმდებლო სისტემის გაუმჯობესება, საზოგადოებისა და იურისტების ცნობიერების ამაღლება და მართლმსაჯულების ხელმისაწვდომობის ხელშეწყობა.
საქართველოს მედიატორთა ასოციაცია აგრძელებს მედიაციის ინსტიტუციის გაძლიერების და განვითარების მიზნით პარტნიორ ორგანიზაციებთან თანამშრომლობას.
