გრძელდება მედიატორებს შორის გამოცდილების გაზიარების შეხვედრები, რომლებიც გაეროს განვითარების პროგრამის მხარდაჭერით იმართება.
ღონისძიება გახსნა და მონაწილეებს მიესალმნენ სსიპ საქართველოს მედიატორთა ასოციაციის აღმასრულებელი დირექტორი თავმჯდომარის მოვალეობის შემსრულებელი თამარ იმნაიშვილი, ასევე UNDP-ის „კანონის უზენაესობის“ პროექტის ოფიცერი გულისა კახნიაშვილი.
შეხვედრის მოდერირებას უწევდა მედიატორთა ასოციაციის თავმჯდომარის მოვალეობის შემსრულებელი თამარ იმნაიშვილი.
შეხვედრა საინტერესო კითხვა-პასუხისა და დისკუსიის რეჟიმში გაგრძელდა. გამოცდილმა მედიატორებმა ასოციაციის ახალ წევრებს საკუთარი გამოცდილება გაუზიარეს.
საქართველოს მედიატორთა ასოციაცია პერმანენტულად ატარებს მსგავს შეხვედრებს, რადგან მედიატორებს შორის გამოცდილების გაზიარება და სფეროში არსებული გამოწვევების განხილვა ძალზედ მნიშვნელოვანია და ხელს უწყობს მედიაციის ინსტიტუტის დახვეწასა და განვითარებას.
ღონისძიება განხორციელდა გაეროს განვითარების პროგრამისა (UNDP) და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.
