საქართველოს მედიატორთა ასოციაციის თავმჯდომარემ ირაკლი ყანდაშვილმა მონაწილეობა მიიღო ლატვიის სერტიფიცირებული მედიატორების საბჭოს მიერ ორგანიზებულ საერთაშორისო მედიაციის კონფერენციაში
„მედიატორის სავალდებულო კონსულტაცია და სავალდებულო მედიაცია: როგორ მუშაობს ის სხვა ქვეყნებში?“
კონფერენციის ფარგლებში ირაკლი ყანდაშვილმა მონაწილეებს გააცნო საქართველოს გამოცდილება სავალდებულო მედიაციის განხორციელების მიმართულებით.
ღონისძიებაში მონაწილეობდნენ წამყვანი სპეციალისტები შემდეგი ქვეყნებიდან: იტალია, უკრაინა, ლიტვა, ესტონეთი და აზერბაიჯანი.
საქართველოს მედიატორთა ასოციაცია აგრძელებს აქტიურ თანამშრომლობას საერთაშორისო პარტნიორებთან გამოცდილების გაზიარებისა და ერთობლივი ინიციატივების განვითარების გზით, მედიაციის კულტურის გაძლიერებისა და მისი ხელმისაწვდომობის ზრდის მიზნით, როგორც რეგიონულ, ისე გლობალურ დონეზე.
