GEO

საქართველოს მედიატორთა ასოციაციის თავმჯდომარე, ირაკლი ყანდაშვილი, აჭარის რეგიონში სამუშაო ვიზიტით იმყოფებოდა

ირაკლი ყანდაშვილი, აჭარაში მოქმედ მედიატორებს სასამართლო მედიაციის ცენტრში შეხვდა.

შეხვედრაზე ასოციაციის თავმჯდომარემ მედიაციის აქტუალური საკითხები მიმოიხილა , ასევე ყურადღება გაამახვილა აჭარის რეგიონში მედიაციის მიმართულებით არსებულ გამოწვევებსა და საჭიროებებზე .

შეხვედრაზე აგრეთვე განიხილეს რეგიონულ ჭრილში გადასადგმელი ეფექტიანი ნაბიჯები, რომლებიც ქვეყანაში მედიაციის ინსტიტუტის განვითარებას შეუწყობს ხელს. შეხვედრა საინტერესო დისკუსიის და კითხვა- პასუხის რეჟიმში გაგრძელდა.

შეხვედრაზე მედიატორებს ასოციაციის თავმჯდომარემ საჩუქრად მისი ავტორობით გამოცემული სახელმძღვანელო - “მოლაპარაკება და წარმომადგენლობა მედიაციაში” გადასცა.

2022 წლის დეკემბრიდან, აჭარის რეგიონში, ქ. ბათუმში, გრიგოლ რობაქიძის სახელობის უნივერსიტეტის ბათუმის წარმომადგენლობის ბაზაზე, სასამართლო მედიაციის ცენტრი ფუნქციონირებს.
Back

_Video Gallery

Other news

საქართველოს მედიატორთა ასოციაციის თავმჯდომარე, ირაკლი ყანდაშვილი , ბათუმის სასამართლო მედიაციის ცენტს ესტუმრა

ირაკლი ყანდაშვილმა, ახალ მედიატორებს პროფესიაში შემოსვლა მიულოცა და წარმატებები უსურვა, ასოციაციის თავმჯდომარემ მედიატორებს მოწმობები და სამკერდე ნიშნები გადასცა. შეხვედრას სასამართლო მედიაციის ცენტრის კოორდინატორი და მედიატიორები ესწრებოდნენ.

საქართველოს მედიატორთა ასოციაციამ, საქართველოს ადვოკატთა ასოციაციის წევრებთან გამართა მორიგი შეხვედრა - „Try Mediation”

ღონისძიება განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.

სამუშაო შეხვედრა მოსამართლეებთან - „ არსებული პრაქტიკა და გამოწვევები სამედიაციო საქმეთა გადაცემა/რეფერირების დროს“

„საქართველოს მედიატორთა ასოციაციამ” USAID სამართლის უზენაესობის პროგრამის „მედიაციის ინსტიტუციური გაძლიერების და განვითარების პროექტის” მხარდაჭერით, თელავში, „იაკობ გოგებაშვილის სახელობის თელავის სახელმწიფო უნივერსტიტეტში“ მოსამართლეებთან გამართა სამუშაო შეხვედრა: „ არსებული პრაქტიკა და გამოწვევები სამედიაციო საქმეთა გადაცემა/რეფერირების დროს“.