GEO

სასამართლო მედიაციის ცენტრების კოორდინატორების სამუშაო შეხვედრა

საქართველოს მედიატორთა ასოციაციამ, USAID სამართლის უზენაესობის პროგრამის - მედიაციის ინსტიტუციური გაძლიერების და განვითარების პროექტის - მხარდაჭერით, სასამართლო მედიაციის ცენტრების კოორდინატორებისათვის, სამუშაო ფორმატში შეხვედრა გამართა.

მონაწილეებს მიესალმნენ მედიატორთა ასოციაციის თავმჯდომარე, ირაკლი ყანდაშვილი და USAID სამართლის უზენაესობის პროგრამის ADR-ის მიმართულებით მრჩეველი, სოფო ტყემალაძე.

რეგიონული სასამართლო მედიაციის ცენტრების კოორდინატორებს ირაკლი ყანდაშვილმა საკუთარი ხედვები გააცნო და ცენტრების გამართულად მუშაობის აუცილებლობაზე ისაუბრა.

სამუშაო შეხვედრა, კოორდინატორებთან დისკუსიის რეჟიმში გაგრძელდა, მონაწილეებმა ერთმანეთს გამოცდილება გაუზიარეს, მედიაციის ცენტრებში არსებულ გამოწვევებზე და მათი გადაჭრის გზებზე ისაუბრეს.

სასამართლო მედიაციის ცენტრების კოორდინატორები სამუშაო შეხვედრაზე საერთო მართვის ფორმაზე და სტანდარტზე შეჯერდნენ. დაიგეგმა სამომავლო ურთიერთთანამშრომლობის ფორმატი, რაც კოორდინატორებს ინფორმაციის მარტივად გაცვლაში დაეხმარება.
საქართველოს მედიატორთა ასოციაცია, სასამართლო მედიაციის ცენტრებისთვის, ნებისმიერი საკითხის კოორდინირებაში იქნება ხელშემწყობი.
Back

_Video Gallery

Other news

საქართველოს მედიატორთა ასოციაციის თავმჯდომარე, ირაკლი ყანდაშვილი , ბათუმის სასამართლო მედიაციის ცენტს ესტუმრა

ირაკლი ყანდაშვილმა, ახალ მედიატორებს პროფესიაში შემოსვლა მიულოცა და წარმატებები უსურვა, ასოციაციის თავმჯდომარემ მედიატორებს მოწმობები და სამკერდე ნიშნები გადასცა. შეხვედრას სასამართლო მედიაციის ცენტრის კოორდინატორი და მედიატიორები ესწრებოდნენ.

შეხვედრა მარნეულში ეთნიკური უმცირესობის წარმომადგენლებთან - „სცადე მედიაცია“

გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში საქართველოს მედიატორთა ასოციაციამ გამართა შეხვედრა მარნეულში, ეთნიკურ უმცირესობის წარმომადგენლებთან, „სცადე მედიაცია“

ტრენინგი -„კომპლექსური და მრავალმხრივი მოლაპარაკება

საქართველოს მედიატორთა ასოციაციის წევრებისათვის ჩატარდა ტრენინგი სახელწოდებით-„კომპლექსური და მრავალმხრივი მოლაპარაკება“, რომელიც განგრძობადი პროფესიული განათლების ფარგლებში გაიმართა