ENG

კომერციული მედიაციის ეროვნული შეჯიბრი

„საქართველოს მედიატორთა ასოციაციის“ მხარდაჭერითა და ევროპის უნივერსიტეტის ორგანიზებით დაარსდა კომერციული მედიაციის ეროვნული შეჯიბრი. ღონისძიება გახსნეს ევროპის უნივერსტიტეტის რექტორმა - ნინო ტალიაშვილმა, „საქართველოს მედიატორთა ასოციაციის“ თავმჯდომარემ - ირაკლი ყანდაშვილმა და საქართველოს ადვოკატთა ასოციაციის კომერციული და კონკურენტიის კომიტეტის თავმჯდომარემ სალომე ბეჟაშვილმა. შეჯიბრის გამართვამდე შერჩეული მონაწილეები გაივლიან თეორიულ და პრაქტიკულ გადამზადებას მედიაციასა და მოლაპარაკების წარმოებაში, რომელსაც გაუძღვება პროექტის ხელმძღვანელი - სოფიო დუღაშვილი, რომელიც წარმოადგენს ,,საქართველოს მედიატროთა ასოციაციის“ ეთიკის კომისიის თავმჯდომარეს და ამავდროულად ევროპის უნვერსიტეტის მოწვეულ ლექტორს. გადამზადების შემდგომ მონაწილეები დაიყოფიან  გუნდებად,რომლებიც ერთმანეთს შეეჯიბრებიან გახსნით შეჯიბრში,ნახევარ-ფინალსადაფინალში. გუნდებისდაკომპლექტება მოხდება სხვადასხვა უნივერსიტეტის სტუდენტებისგან. შეჯიბრის შემფასებელები „მსაჯის“ სტატუსით იქნებიან ,,საქართველოს მედიატორთა ასოციაციის“მედიატორები, მედიაციის სფეროში თეორიული თუ პრაქტიკული გამოცდილების მქონე სპეციალისტები, მედიაციაში წარმომადგენლობის გამოცდილების მქონე ადვოკატები/იურისტები. შეჯიბრის თითოეულ ეტაპზე გუნდების შეფასებათა დაჯამებით მოხდება გამარჯვებულის გამოვლენა. შეჯიბრის ბოლოს გამარჯვებულებს გადაეცემათ სპეციალური ჯილდოები,ხოლო ყველა მონაწილეს მონაწილეობის დამადასტურებელი სერტიფიკატი. პროექტის საუკეთესო მონაწილეებს ასევე ექნებათ შესაძლებლობა ჩაერთონ სტაჟირების პროგრამებში.
მონაწილეობის მსურველებმა უნდა გაიარონ რეგისტრაცია მითითებულ ბმულზე: https://bit.ly/3v06Njn
აპლიკაციის შევსების ბოლო ვადაა - 4 მარტი 18:00 საათი; მონაწილეთა რაოდენობა შეზღუდულია და შეირჩევამხოლოდ 30 საუკეთესო მონაწილე.
უკან
სხვა სიახლეები

საინფორმაციო ბიულეტენი

გაეცანით "საქართველოს მედიატორთა ასოციაციის" 2023 წლის იანვარი - აპრილის აქტივობების შესახებ საინფორმაციო ბიულეტენს.

საქართველოს მედიატორთა ასოციაციის თავმჯდომარე, ირაკლი ყანდაშვილი ტექნიკური უნივერსიტეტის სტუდენტებს შეხვდა

შეხვედრა აფხაზეთის ავტონომიური რესპუბლიკის მთავრობასთან ურთიერთთანამშრომლობის ფარგლებში მიმდინარეობდა და მასში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციის, სამოქალაქო ინტეგრაციის საკითხებში აფხაზეთის მინისტრი ნანა გაბელია და იურიდიული დახმარების სამსახურის დირექტორი დავით სიმონია მონაწილეობდნენ.

კონფერენცია - "შრომითი უფლებები სამოქალაქო საზოგადოებისთვის“

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო კონფერენციაზე - "შრომითი უფლებები სამოქალაქო საზოგადოებისთვის“, რომელიც გაიმართა იუსტიციის სასწავლო ცენტრის და “შვედეთის კურსდამთავრებულთა ქსელის საქართველოში” ორგანიზებით.