ENG

მედიატორთა განგრძობადი პროფესიული განათლების სავალდებულო სისტემის კონცეფციაზე მომუშავე სამუშაო ჯგუფის პირველი შეხვედრა

„საქართველოს მედიატორთა ასოციაციის“ 2020-2025 წწ სტრატეგიული განვითარების გეგმის თანახმად 2022 წლიდან დაინერგება მოქმედი მედიატორების განგრძობადი პროფესიული განათლების სავალდებულო სისტემა.

ამერიკის შეერთებული შტატების საერთაშორისო განვითარების სააგენტოს (USAID) კანონის უზენაესობის მხარდაჭერის პროექტი საქართველოში (PROLoG) მხარს უჭერს მედიატორთა განგრძობადი პროფესიული განათლების სავალდებულო სისტემის დანერგვას საქართველოში.

დღეს გაიმართა მედიატორთა განგრძობადი პროფესიული განათლების სავალდებულო სისტემის კონცეფციაზე მომუშავე სამუშაო ჯგუფის პირველი შეხვედრა.

სამუშაო ჯგუფი დაკომპლექტებულია როგორც მედიატორთა პროფესიის, ასევე მოსამართლის და ადვოკატის პროფესიების, საერთაშორისო ექსპერტის და ქვეყანაში მოქმედი საერთაშორისო ორგანიზაციების წარმომადგენლებით.

„საქართველოს მედიატორთა ასოციაცია“ წარმატებების უსურვებს მედიატორთა განგრძობადი პროფესიული განათლების სამუშაო ჯგუფს და აღნიშნულ კიდევ ერთ ინიციატივას მიიჩნევს მედიატორის პროფესიის ქვეყანაში დანერგვის და ნდობის მოპოვების ერთ-ერთ უმნიშვნელოვანეს წინაპირობად.
უკან
სხვა სიახლეები

საინფორმაციო ბიულეტენი

გაეცანით "საქართველოს მედიატორთა ასოციაციის" 2023 წლის იანვარი - აპრილის აქტივობების შესახებ საინფორმაციო ბიულეტენს.

საქართველოს მედიატორთა ასოციაციის თავმჯდომარე, ირაკლი ყანდაშვილი ტექნიკური უნივერსიტეტის სტუდენტებს შეხვდა

შეხვედრა აფხაზეთის ავტონომიური რესპუბლიკის მთავრობასთან ურთიერთთანამშრომლობის ფარგლებში მიმდინარეობდა და მასში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციის, სამოქალაქო ინტეგრაციის საკითხებში აფხაზეთის მინისტრი ნანა გაბელია და იურიდიული დახმარების სამსახურის დირექტორი დავით სიმონია მონაწილეობდნენ.

კონფერენცია - "შრომითი უფლებები სამოქალაქო საზოგადოებისთვის“

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო კონფერენციაზე - "შრომითი უფლებები სამოქალაქო საზოგადოებისთვის“, რომელიც გაიმართა იუსტიციის სასწავლო ცენტრის და “შვედეთის კურსდამთავრებულთა ქსელის საქართველოში” ორგანიზებით.