გიორგი აბულაძე - მედიატორი 2023 წლიდან
ამჟამად ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დეკანის აპარატის თანამშრომელი; დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დაზარალებულთან კომუნიკაციის სპეციალისტი; საქართველოს ახალგაზრდა იურისტთა ასოციაციის სარევიზიო კომისიის წევრი; ტრენერი. პროფესიით იურისტი ფლობს თსუ სამართლის ბაკალავრის აკადემიურ ხარისხს და სწავლას აგრძელებს ამავე უნივერსიტეტის სამართლის სამაგისტრო პროგრამაზე, კერძო სამართლის მიმართულებით.
გავლილი აქვს ტრენინგები კონფლიქტის მართვისა და მოლაპარაკებების, ორგანიზაციული მართვის, ასევე, ფასილიტაციის შესახებ. 2021 წელს გიორგის გავლილი აქვს თსუ დავის ალტერნატიული გადაწყვეტის ეროვნული ცენტრის (NCADR) მიერ ორგანიზებული მედიაციის (60-საათიანი) სასერტიფიკატო ტრენინგ კურსი. 2022-23 წელს წარმატებით დაასრულა სისხლის სამართლის მედიატორების გადამზადებისა და სპეციალიზაციის სასერტიფიკატო პროგრამა.
გიორგის სამედიაციოს საქმეთა კატეგორიებია: ვალდებულებითი, სანივთო, საოჯახო, სამემკვიდრეო, შრომითსამართლებრივი და საბანკო დავები. არის არასრულწლოვანთა მართლმსაჯულების სფეროში სპეციალიზებული მედიატორი.
რაც შეეხება სხვა პროფესიულ გამოცდილებას: 2023 წლის იანვრიდან - დღემდე - სამოქალაქო განათლების მასწავლებელი; 2018 წლიდან - სხვადასხვა სახელმწიფო უწყებასა და კერძო კომპანიებში, ასევე ევროპის საბჭოს პროექტებში ტრენერი; 2020 წლის ივნისიდან - 2022 წლის იანვრამდე - საიას დემოკრატიული ინსტიტუტების მხარდაჭერის პროგრამის გრძელვადიანი საარჩევნო მონიტორი; 2019 წლის იანვრიდან - 2022 წლის იანვრამდე - სახელმწიფო ინსპექტორის სამსახურში პერსონალურ მონაცემთა დაცვის ელჩი.
სამუშაო ენა: ქართული
