ENG

კომერციული მედიაციის ეროვნული შეჯიბრი დაიწყო

12-13 მარტს, „საქართველოს მედიატორთა ასოციაციასა“ და „ევროპის უნივერსიტეტს“  შორის გაფორმებული მემორანდუმის ფარგლებში, ევროპის უნივერსიტეტის ორგანიზებით კომერციული მედიაციის ეროვნული შეჯიბრის მონაწილეებისათვის გაიმართა თეორიული და პრაქტიკული გადამზადების ტრენინგი - მოლაპარაკების წარმოებასა და მედიაციაში. ღონისძიება გახსნა „ევროპის უნუვერსიტეტის“ სამართლის პროგრამის ხელმძღვანელმა - თათია დოლიძემ, საქართველოს მედიატორთა ასოციაციის“ აღმასრულებელმა მდივანმა - თამარ იმნაიშვილმა და  თბილისის სახელმწიფო უნივერსიტეტის დავის ალტერნატიული გადაწყვეტის ეროვნული ცენტრის აღმასრულებელმა დირექტორმა - ნათია ჩიტაშვილმა. შეჯიბრში მონაწილეობს საქართველოში არსებული 15 ავტორიზებული უმაღლესი საგანმანათლებლო დაწესებულების 30 სტუდენტი. მონაწილეების თეორიული და პრაქტიკული გადამზადების ტრენინგს უძღვებოდა პროექტის ხელმძღვანელი- სოფიო დუღაშვილი, სპეციალურად აღნიშნული პროექტისთვის თემატურად მოწვეულ სპიკერებთან - ელენე ორჯონიკესთან, თამთა დევდარიანთან, სალომე ბეჟაშვილთან და ირაკლი წურწუმიასთან ერთად. ტრენინგის დასრულების შემდგომ გაიმართება ეროვნული შეჯიბრი 3 დღის განმავლობაში, რომლის შედეგად გამოვლინდება გამარჯვებული გუნდი და შესაბამის ნომინაციებში გამოვლენილი მონაწილეები. შეჯიბრის ბოლოს გამარჯვებულებს გადაეცემათ სპეციალური ჯილდოები,ხოლო ყველა მონაწილეს მონაწილეობის დამადასტურებელი სერტიფიკატი. პროექტის საუკეთესო მონაწილეებს ასევე ექნებათ შესაძლებლობა ჩაერთონ სტაჟირების პროგრამებში.

უკან
სხვა სიახლეები

საინფორმაციო ბიულეტენი

გაეცანით "საქართველოს მედიატორთა ასოციაციის" 2023 წლის იანვარი - აპრილის აქტივობების შესახებ საინფორმაციო ბიულეტენს.

საქართველოს მედიატორთა ასოციაციის თავმჯდომარე, ირაკლი ყანდაშვილი ტექნიკური უნივერსიტეტის სტუდენტებს შეხვდა

შეხვედრა აფხაზეთის ავტონომიური რესპუბლიკის მთავრობასთან ურთიერთთანამშრომლობის ფარგლებში მიმდინარეობდა და მასში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციის, სამოქალაქო ინტეგრაციის საკითხებში აფხაზეთის მინისტრი ნანა გაბელია და იურიდიული დახმარების სამსახურის დირექტორი დავით სიმონია მონაწილეობდნენ.

კონფერენცია - "შრომითი უფლებები სამოქალაქო საზოგადოებისთვის“

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო კონფერენციაზე - "შრომითი უფლებები სამოქალაქო საზოგადოებისთვის“, რომელიც გაიმართა იუსტიციის სასწავლო ცენტრის და “შვედეთის კურსდამთავრებულთა ქსელის საქართველოში” ორგანიზებით.