„საქართველოს მედიატორთა ასოციაციის“, დემოკრატიული ჩართულობის ცენტრების ქსელისა და USAID/PROLOG-ის მხარდაჭერით გაიმართა ონლაინ ტრენინგი თემაზე - მედიაცია დავის გადაწყვეტის ახალი მექანიზმი საქართველოში, სადაც მონაწილეობა ახალციხის, ბათუმის, გორის, ქუთაისის, მარნეულის, ოზურგეთის, რუსთავის, საგარეჯოს, თელავისა და ზუგდიდის დემოკრატიული ჩართულობის ცენტრების ქსელის ოფისების წარმომადგენლებმა მიიღეს.
ტრენინგი გახსნა დემოკრატიული ჩართულობის ცენტრების ქსელის აღმასრულებელმა დირექტორმა ნინა ხატისკაცმა, „საქართველოს მედიატორთა ასოციაციის“ თავმჯდომარემ ირაკლი ყანდაშვილმა და კანონის უზენაესობის მხარდაჭერა საქართველოში (USAID/PROLoG) - ის წარმომადგენლებმა ირინა ლორთქიფანიძემ.
დემოკრატიული ჩართულობის ცენტრების ქსელის თანამშრომლებს მედიაციაციის არსი, მისი მნიშვნელობა და აქტუალური საკითხები გააცნო თბილისის საქალაქო სასამართლოს მედიაციის ცენტრის ხელმძღვანელმა ელენე ორჯონიკიძემ.
ტრენინგი მიზნად ისახავდა ცენტრების თანამშრომელთა ცნობიერების ამაღლებას მედიაციის შესახებ, რათა მათ ამ ტიპის მომსახურების მიღებით დაინტერესებული პირებისთვის ინფორმაციის მიწოდება და მათი “საქართველოს მედიატორთა ასოციაციაციასთან” დაკავშირება შეეძლოთ.
